इलाम: संघीय संसद भवनअगाडि आफनै सरिरमा आगो लगाएका इलामको सूर्योदय नगरपालिका ११ का प्रेम आर्चायको आज बिहान निधन भएको छ ।
आफैंलाई आगो लगाएर आत्महत्याको प्रयास गरेका आचार्यलाई प्रहरीले उद्धार गरी रेर बर्न अस्पताल कीर्तपुर भर्ना गरेको थियो । शरिरको ८० प्रतिशत भाग जलेका उनको उपचारको क्रममा आज बिहान निधन भएको छ । आगोले उनको फोक्सोमा समेत असर गरेको अस्पतालले जनाएको छ ।
उपचाररत आचार्यलाई भेटन पुगेकी स्वास्थ्य राज्यमन्त्री डा. तोसिमा कार्की संग हिजो राती आचार्यले छोटो संवाद गरेका थिए । यो हर्कत नगरी राज्य सहित कसैले केहि सुनेन भनेका छन । उनले गृहमन्त्री रवि लामिछानेलाई भेट्न पठाईदिन आग्रह गरेका थिए ।
आचार्यले आगो लगाउनु अघि आफनो फेसबुकमा लामो स्टाटस लेख्दै आफना जिवनका भोगाई ब्यक्त गरेका छन । उनले राज्यको प्रर्णालीका कारण आफु जस्ता केहि गरौ भन्ने धेरै युवाको बिचल्ली भएको टिप्पणी गरेका छन । उनले राज्य संयन्त्र सुधार गर्न बुँदागत रुपमा सुझाव समेत दिएका थिए । आचार्यले आफु डिप्रेसनमा रहेको उल्लेख गरेका छन ।
कृषि ब्यवसाय गर्दै आएका ३६ बर्र्षीय आचार्य केहि समय अघि पनि घरबाट बेपत्ता भएका थिए । पछि सम्पर्कमा आएका आचार्य अहिले काठ्माण्र्डामा बस्दै आएका थिए ।
