फिक्कल: इलामको रोङ गाउँपालिकाले सहरी क्षेत्र लक्षित ताजा तरकारी उत्पादनका लागि एक करोड रुपैयाँ बजेट प्राप्त गरेको छ ।
आगामी असार मसान्त सम्ममा सम्पन्न गर्ने गरी सहरी क्षेत्र लक्षित ताजा तरकारी उत्पादन अभिबृद्धि कार्यक्रम अन्र्तगत कृषि मन्त्रालय मार्फत उक्त बजेट पाउने भएको हो । कृषि अन्र्तगतको उक्त बजेट अर्थ मन्त्रालय मार्फत गाउँपालिकाले पाउने छ ।
पूर्व अर्थमन्त्री जनार्दन शर्माको विशेष चासो र योजना अनुसार उक्त बजेट प्राप्त भएको गाउँपालिकाका अध्यक्ष मनिकुमार स्याङबोले जानकारी दिनु भयो । अध्यक्ष स्याङबोले कम लागतमा गुणस्तरीय तरकार िउत्पादन गर्ने गरी काम थाल्ने बताउनु भयो । उहाले भन्नु भयो ‘यो कार्यक्रमले तराईमा हुने डुवाउ लगायतका समयमा हुँने तरकारीको हाहाकार टार्छ ।’ उक्त पालका झापा संग जोडिएकाले उत्पादित तरकारी झापा नै जाने गरेको छ ।
उहाले तराईका बजारमा भारतीय तरकारी आउनु, भारतीय तरकारी संग स्थानीय उत्पादनले प्रतिष्पर्धा गर्न नसक्नु र माग र उत्पादनका तालमेल नमिल्नु जस्ता कारणले तरकारीको बजारीकरणमा समस्या रहेको बताउनु भयो । रोङले गुन्द्रुक सिन्कीको ब्राण्डीङको काम समेत गर्दै छ ।
