फिक्कल: नेपाल बिद्यार्थी संघ इलामले बिभिन्न निर्णय गर्दै तदर्थ समितिको पहिलो बैठक सदरमुकाममा आज सम्पन्न भएको छ । संघका अध्यक्ष टिकाराम पुरिको अध्यक्षतामा बसेको बैठकले आसन्न स्ववियू निर्वाचनलाई मध्यनजर गर्दै संघका जिल्ला उपाध्यक्ष प्रकाश तामाङ्गको संयोजकत्वमा स्वबियू कार्यदल गठन गरेकोे छ । यस्तै संघको बिभिन्न बिभागहरु ग्ठन गरेको छ । दिपिका ढुंगानको संयोजकत्वमा प्रशिक्षण बिभाग, अतिरिक्ति क्रियाकलापको संयोजकत्वमा सुशिल राई, साहित्य तथा सांस्कृतिक बिभागको संयोजकत्वमा कृष्ण पाठक, खेलकुद बिभागको संयोजकत्वमा मुकेश राई रहेका छन् । यस्तै संघले माघ महिनासम्म संगठन बिस्तार गर्ने भएको छ । बिद्यालयमा एकाइ गठनलाई माघ २२ गतेबाट अभियान चाल्ने भएको अध्यक्ष पुरिले बताउनुभयो । संघको पालिका स्तरीय संयोजकहरु समेत तोकेको छ । बैठकबाट संगठन बिस्तारका लागि संघले खटाएको आधिकारीक प्रतिनिधिलाई मात्र मान्यता दिने निर्णय समेत गरेको छ । संघले इलामले छिमेकी पाच जिल्ला पाचथर, ताप्लेजुङ्ग, झापा, मोरङ्ग र सुनसरीसंग सहकार्य गर्दै स्वबियू निर्वाचनमा इलामबाट यि जिल्लाका क्याम्पसमा पढ्दै गरेका संघका बिद्यार्थीले प्रतिनिधि हुन पाउनुपर्ने निर्णय समेत गरेको छ । यस्तै संघको जिल्ला सम्पर्क समिति समेत बनाउने निर्णय गरेको छ । यस्तै संघले पालिका , प्रदेश र जिल्ला अबिधेशनको पनि तयारी समेत थालेको बताइएको छ ।
