गोबिन्द पौडेल: नागरिकलाई सहज रुपमा स्वास्थ्य सेवादिन थप एक आधारभुत स्वास्थ्य केन्द्र सचालनमा आएको छ ।
रोङ ६ को रम्भ्याङमा नागरिकले स्वास्थ्य सेवा लिन सक्नेगरि आधारभुत स्वास्थ्य केन्द्र सचालन गरेको हो ।करिव ३ सय २५ परिवारका १३ सय नागरिकको लागि वडाको स्वास्थ्य चौकी अपायक रहेकोमा २०७७ सालदेखी निर्माण थालिएको भवन निर्माण सम्पन्न भई अहेव बिकास गजमेरले सेवा दिन थालेका हुन ।
भवन निर्माणको लागि रोङ गाउपालिकाले २०७७ मा ५लाख, २०७८मा ३ लाख २०७९ मा ७० हजार र नमुना बिकास केन्द्र मार्फत स्पेन्ड डिरिक ले १ लाख ५० हजार गरि कुल १० लाख ३० हजारको लागतमा सम्पन्न भएको छ । भवन निर्माणको लागि नारायण प्रधानले १० आना जग्गा निशुल्क दान गरेको समितिका सचिव रन्जित साङपाङले बताए ।उक्त आधारभुत स्वास्य केन्द्रबाट सुरक्षित मातृत्व सेवा,परिवार नियोजन,किटजन्य रोगको रोकथाम,नियमित मासिक खोप,दैनिक ओपिडि ड्रेसिङ र निशुल्क ९८ प्रकारका औषधि बितरण हुने रोङ स्वास्थ्य शाखा प्रमुख युवराज काफ्लेले बताए ।
यता रोङ गाउपालिका वडा न ३ को याङ्ग्रेमा नवनिर्मित गाउँघर क्लिनिकको पनि उद्घाटन गरिएको छ ।बिशेषज्ञ सहितको स्वास्थ्य शिबिर ,क्षयरोगी खोजि अभियान सहित खोपकेन्द्रको उद्घाटन गरिएको हो ।शिबिरमा पशुपतिनगर प्राथामिक स्वास्थ्य केन्द्रका डा. बिमल श्रेष्ठ र डाक्टर रजित चौधरीबाट १ सय २८ जनाको स्वास्थ्य परीक्षण र अऔषधि बितरण गरिएको थियो भने क्षयरोग परीक्षणको लागि ५० जनाको खकार सकलन गरि जिल्ला स्वास्थमा लगिएको छ ।
हालसम्म रोङका नागरिकलाई सहज स्वास्थ सेवा दिन १ आयुर्वेद,४ स्वास्थ्य चौकी, ३ आधारभूत स्वास्थ्य केन्द्र ,दुई सामुदायिक स्वास्थ्य एकाई गरि १० स्वास्थ्य सस्थाहमा ४२ जना स्वास्थ कर्मी कार्यरत रहेको स्वास्थ शाखा प्रमुख काफ्लेले बताए ।
मानव बिकास सुचाकाङ्क उन्नति राख्न सहज स्वास्थ्य सेवामा नागरिकको पहुच बिस्तार गर्दै शहश्राब्दि बिकाशको लक्ष्यमा पुग्न रोङ गाउँपालिको स्वास्थ्य गति निक्कै तिब्र बनेको नागरिकको भनाई रहेको छ ।
