गोबिन्द पौडेल,रोङः बिश्व एड्स दिवसको अवसर पारेर इलामको रोङ गाउँपालिकामा सचेतना कार्यक्रम संचालन गरिएको छ । बिश्वसगै नेपालमा पनि जोखिमपुर्ण मानिएको सरुवा रोगवाट बच्नको लागि जनचेतना जगाउन,रोकथाम र संक्रमित रहे भेदभाव रहित वनाउनको लागि रोङ गाउपालिका स्वास्थ्य शाखाको आयोजनामा सचेतना कार्यक्रम गरिएको हो । भारतसंगको खुल्ला सिमावर्ति क्षेत्र रहेकोले रोङलाई संबेदनशिल क्षेत्र मानिने गरेको छ ।
कार्यक्रममा रोङ गाउपालिका वडा न ४ का वडाध्यक्ष राजकुमार लाप्चाको अध्यक्षता, माई नगरपालिकाका डाक्टर रामचन्द्र आचार्यको प्रमुख आतिथ्यता र बिर्तामोड नगरपालिकाका स्वास्थ्य शाखा प्रमुखको बिशेष आतिथ्यता रहेको थियो । डा आचार्य,दिपक सापकोटा रोङ स्वास्थ्य प्रमुख युवराज काफ्ले लगायतका स्वास्थ्य कर्मिहरुले कार्यक्रमको सहजिकरण गर्नुभएको थियो ।
