फिक्क्ल: इलाम निर्वाचन क्षेत्र न.ं १ मा मतगणना रोकीएको छ । गए राती ११ बजे देखि बिवाद हुँदा मतगणना रोकीएको हो ।
शिल गरीएको मतपेटीका कर्मचारीले मात्र खोलेको र मतपेटीका बुझदै गर्दा शिल गरिएको शिल नम्बर दलका प्रतिनिधिलाई शुरुमा टिपाईए पनि गणना गर्ने बेलामा रुजु नगराई मतगणना गरिएको भन्दै बिवाद शुरु भएको थियो । बिवादले उग्ररुप लिए पछि मतगणना रातीबाटै रोकीएको छ । दलका प्रतिनिधिले बिवाद पछि गणना स्थल छोडेका थिए । निर्वाचन अधिकृत राजकुमार दाहालले दलहरु बिच सहमति गर्नका लागि सर्वदलिय बैठक बोलाईए पनि दलका प्रतिनिधि सम्पर्कमा नआएको जानकारी दिनु भयो । सर्वदलिय बैठक बस्ने तयारी भने भैरहेको छ । नेपाली काग्रेस सूर्योदय नगर उप सभापति रमेश प्रधानले पुन मतगणना गर्नु पने आफुहरुको माग रहेको जानकारी दिनु भयो ।
क्षेत्र नं. १ मा गठबन्धनका उम्मेदवार तथा पूर्व प्रधामन्त्री झलनाथ खनाललाई पछि पार्दै नकपा एमाले इलामका अध्यक्ष महेश बस्नेत १ हजार पाँच सय मतले अगाडी हुनुहुन्छ ।
निर्वाचन क्षेत्र नं. १ मा ५९९०६ मत खसेको थियो । जसमा २३ हजार ८ सय ६५ मत गणना भएको छ ।निर्वाचन कार्यालयले मतपरिणाम सार्वजनिक गर्दा समेत पटक पटक त्रुटी गर्दै आएको छ ।
