पूर्व प्रधानमन्त्री झलनाथ खनालले बिहान ८ः३० मा इलामबाट मतदान गर्नु भएको छ ।
पूर्व प्रम तथा नेकपा एकीकृत समाजवादीका सम्मानीत नेता खनालले इलामको सूर्योदय नगरपालिका ९ रम्फोकमा रहेको राष्ट्रिय आधाभूत बिद्यालयबाट मतदान गर्नु भएको हो ।
उहाले परिवार सहित केन्द्रमा पुगेर मतदान गर्नु भएको छ । मतदान पछि संचारकर्मी संग कुरा गर्दै खनालले मतदान गर्ने अधिकारबाट कोही बञ्चित हुन नहुने बताउनु भयो ।
उहाले देशमा गठबन्धनको अझै आवश्यक्ता रहेको बताउदै गठबन्धन्कै नेतृत्वमा आगामी सरकार बन्ने बताउनु भयो । उहाले भन्नु भयो‘देशलाई स्थाईत्व प्रदान गर्नका लागि यो निर्वाचन महत्वपूर्ण हुने छ ।’ उहाले बाहिर हल्ला भए जस्तो राष्ट्रपतिका लागि कुनै सहमती भैनसकेको बताउनु भयो ।खनालले भन्नु भयो‘त्यस्तो कुनै सहमति भएको छैन तर, अवसर नाए नाई चाहि भन्दिन ।’
