फिक्कल: राष्ट्रिय स्वतन्त्र पार्टी (रास्वपा) इलामको सभापतिमा दिनेश महत निर्वाचित हुनु भएको छ । इलाम सदरमुकाममा सम्पन्न प्रथम जिल्ला अधिवेशनबाट महत सभापतिमा निर्वाचित हुनु भएको ।
उपसभापतिमा मिङ्मा शेर्पा, सचिवमा ताराप्रसाद आचार्य, सह–सचिवमा धनकुमार कार्की (अनिस) र कोषाध्यक्षमा कल्पना न्यौपाने निर्वाचित हुनु भएको छ ।
सदस्यहरूमा मुकेश राई, सबिता दास, प्रकाश बोहरा र दिपेन देवान निर्वाचित हुनु भएको छ ।
त्यस्तै, क्षेत्र नं. १ को क्षेत्रीय सभापतिमा दिनेश निरौला तथा क्षेत्र नं. २ को क्षेत्रीय सभापतिमा खगेन्द्र चापागाईं निर्वाचित हुनु भएको छ । दुबै क्षेत्रीय सभापति जिल्ला पदेन सदस्य हुने ब्यवस्था रहेको नव निर्वाचित सभापति महतले जानकारी दिनु भयो । सभापति महत इलामको फिक्कलबाट संचालित रेडियो बुद्धबाणीको अध्यक्ष हुनुहुन्छ भने ब्यवसायिक कृषि पेषामा आवद्ध रहनु भएको छ ।
