फिक्कल: इलामको सूर्योदय नगरपालिकामा एक सय ५० बढी सामुदायिक कुकुरको बन्ध्याकरण गरिएको छ ।नगर क्षेत्रमा बढ्दो सामुदायिक कुकुरको संख्यालाई वैज्ञानिक ढंगले घटाउनका लागि संचालन गरिएको शिविरमा नगर क्षेत्रका एक सय ५४ वटा सामुदायिक कुकुरको बन्ध्याकरण गरिएको हो ।
सूर्योदय नगरपालिका पशु पंक्षि बिकास शाखाले आयोजना गरेको शिविरमा नगरको फिक्कल , छिपिटार कन्याम, हर्कटे, पशुपतिनगर, आईतबारे , तीनघरे लगायतका क्षेत्रमा रहेका सादुदायिक कुकुरको बन्ध्याकरण गरिएको नगरपालिकाको पशु पंक्षि बिकास शाखा प्रमुख बिपिन कुमार सिंले जानकारी दिनु भयो ।
शिविरमा ल्याइएका कुकुरहरूलाई शल्यक्रियापछि केही समय निगरानीमा राखिन्छ र पुनः उनीहरूकै पुरानो बासस्थानमा लगेर छोडने गरिएको छ ।नगर क्षेत्रमा जताभावी फैलिएका कुकुरका कारण पर्यटनक र नगरवासीलाई ढुक्कसँग हिँडडुल समस्या पर्दै आएको थियो । हुल बाढीएर आउने बेवारिसे कुकुरका कारण पर्यटकीय नगरीको सोभा घटेको भन्दै स्थानीयले समेत कुकुर नियन्त्रण गर्न माग गर्दै आएका थिए । कुकुरका कारण सडक दुर्घटना समेत हुने गरेको छ ।
नगरका प्रमुख प्रशासकीय अधिकृत बिज्ञान कोइरालाले सूर्योदय नगरपालिका पर्यटकीय नगरी भएका कारण कुकुर लगायतका बेवारिसे चौपयाको संख्या कम गर्नका लागि पहल थालिएको जानकारी दिनु भयो ।
तीन दिन सम्म संचालित शिविरमा आज वाँकी रहेका कुकुरको बन्ध्याकरण गर्ने पशपंक्षि बिकाश शाखाले जनाएको छ । नगरमा अन्य पालिकाबाट समेत बेवारिसे कुकुर आएर नगरको सौदर्य घटाउने गरेको नगरपालिकाले जनाएको छ ।
