फिक्कल: नागरिकता तथा घटना दर्ता सेवामा देखिएका समस्या र समसामयिक कानुनी व्यवस्थाबारे इलामको सूर्योदय नगरपालिकामा अन्तरक्रिया कार्यक्रम सम्पन्न भएको छ ।
जिल्ला प्रशासन कार्यालय इलामको आयोजना र सूर्योदय नगरपालिकाको व्यवस्थापनमा भएको कार्यक्रममा नागरिकता ऐन, नागरिकता नियमावली, राष्ट्रिय परिचयपत्र तथा पञ्जीकरण ऐन–२०७६ सहितका विधि–विधानबारे विस्तृत छलफल भयो।
सीमावर्ती क्षेत्र भएका कारण नेपाल भारत दुबै तर्फ बसोबास गर्ने नागरिकले नागरिक्ता लिदा बढी समस्या हुने गरेको पाइएको छ । प्रमुख जिल्ला अधिकारी सुनिता नेपालले नागरिकता लगायतका बिषयमा भएका कानुनी प्रावधानबारे जानकारी गराउनु भएको थियो । कार्यक्रममा वडाध्यक्ष देवेन्द्र शर्मा, उर्गेन बम्जन, डिक बम्जन, सरन राई , वडा सदस्य पदम गिरी लगायतका जनप्रतिनिधि, कर्मचारी र स्थानीयले आफुहरुले भोगेका समस्या राख्नु भएको थियो ।
सूर्योदय नगरपालिकाका प्रमुख रण बहादुर राईले धेरैजसो काम वडा स्तरबाट हुने हुदा वडाका जनप्रतिनिधि र कर्मचारी सचेत बन्नु पर्ने बताउनु भयो । जिल्ला प्रशासन कार्यालयले चुलाचुली र माईमा समेत उक्त कार्यक्रम गरेको थियो ।
