इलाम :“मैले गाउने गीतहरुमा” शुक्रबार सार्वजनिक गरिएको छ। एचकेआर इन्टरटेन्मेन्टको व्यानरमा निर्मित सार्वजनिक गरिएको यस गीतमा चर्चित गायिका रचना रिमाल र गायक नन्दु गुरुङको सुमधुर स्वर समावेश छ। गीतको शब्द मौसम परिवर्तन याकथुङ्बाले लेख्नुभएको हो संगीत दिपराजले गर्नुभएको छ ।
भिडियोमा माइजोग्माइका नवीन सुवेदी र रोङकी दीक्षा भुजेलको दमदार अभिनय देख्न सकिन्छ। निर्देशन, छायांकन र सम्पादन हिकस राईले गर्नुभएको हो। भावनात्मक शब्द, मन छुने स्वर र आकर्षक भिडियोको संगमले यस गीतले दर्शक तथा श्रोताको मन जित्ने विश्वास लिइएको छ।
“मैले गाउने गीतहरुमा” आजैदेखि एचकेआर इन्टरटेन्मेन्टको आधिकारिक युट्युब च्यानल मार्फत हेर्न र सुन्न सकिनेछ। गीततमा रोङको किराँतपार्क र सुर्योदयको सिमपानी पर्यटकिय क्षेत्रमा छायाँकन गरिएको निर्देशक राईले जान्कारी दिनुभयो ।
