फिक्कल: इलामका १० वटै पालिकामा नेपाली सेनाले सुरक्षा दिएको छ । जिल्लामा शान्ति सुरक्षा कायम गर्न र थप भौतिक संरचनाको क्षती हुन नदिन नेपाली सेना जिल्लाभर परिचालित भएको हो । बुधबार दिउसोबाट सेनाले सुरक्षा दिएपछि जनजिवन सामान्य बन्न थालेको छ ।
पालिकाहरुमा नेपाली सेनाको कमाण्डमा शसस्त्र प्रहरी र नेपाल प्रहरी समेत परिचालन गरीएको नेपाली सेनाको रण सार्दुल गण इलामका प्रमुख प्रलाद घलेले जानकारी दिनु भयो । आन्दोलनरत जेनजी समुहले मंगलबार इलाम नगरपालिकाको मुख्य प्रशानिक भवनमा आगालगि गरेका थिए । आगलागिबाट इलाम नगरपालिकामा ठूलो क्षती भएको छ । यस्तै जेनजी समुहले इलामको माई नगरपालिकामा पनि आगजनी गरेका छन । यस्तै इलामको रोङ गाउँपालिका वडा नं. २ को कार्यालयमा पनि आगलागि भएको छ । अन्य स्थानमा समेत केहि वडामा आगलागि गरीएको छ । जेनजी समुहको नाममा इलामको रोङ गाउँपालिकामा पटक पटक आगलागि गर्ने प्रयास भएको गाउँपालिका अध्यक्ष मनिकुमार स्याङबोले जानकारी दिनु भयो । यसै बिच इलामका अधिकांश पालिकामा बिद्यालय बन्द गरीएको छ भने प्रशासनीक काम पनि बन्द गरीएको छ ।
यसै बिच जिल्ला प्रशासन कार्यालय इलामले बुधबार दिउसो ३ बजेबाट भोली बिहान ६ बजेसम्म इलाम जिल्लाभर कर्फयु आदेश जारी गरेको छ । प्रमुख जिल्ला अधिकारी सुनिता नेपालले थप क्षती हुन नदिन र कुनै प्रकारको प्रदर्शन हुन नदिन कर्फयु आदेश जारी गरीएको जानकारी दिनु भयो ।
