फिक्कल: सूर्योदय नगरपालिकाको आर्थिक बर्ष २०८२/०८३ को बार्षिक नीति ,बजेट तथा कार्यक्रम एक कार्यक्रमका बिच सोमबार सार्वजनिकीकरण गरीएको छ । नगरको आयोजनमा फिक्कल माध्यमिक बिद्यालयको प्राङ्गडमा एक समारोहको आयोजना गरी बार्षिक नीति ,बजेट तथा कार्यक्रम सार्वजनिकीकरण गरीएको हो ।
नगर प्रमुख रण बहादुर राईको अध्यक्षतामा सम्पन्न सार्वजनीकिकरण कार्यक्रममा प्रतिनिधिसभा सभा सदस्य महेश बस्नेत , ललितपुर महानगरपालिकाका नगर प्रमुख चिरीबाबु महर्जन लगायतले संयुक्त रुपमा बजेट नीति तथा कार्यक्रम सार्वजनिक गर्नु भएको छ ।
बजेट नीति तथा कार्यक्रम सार्जजनिक गर्दै कार्यक्रमका प्रमुख अतिथि प्रतिनिधि सभा सदस्य बस्नेतले जनताको नजिकको सरकारको रुपमा रहेको स्थानीय सरकारले जनताको अपेक्षा अनुसार काम गर्नु पर्ने बताउनु भयो । उहाले तीनै तहका सरकार बिकास निर्माणका काममा हातेमालो गरेर लागे पनि स्रोत साधनको कमीका कारण जनताको अपेक्षा अनुसार काम गर्न नसकेको जानकारी दिनु भयो । प्रतिनिधि सभा सदस्य बस्नेतले संघीय सांषदले अहिले जनताका घरदैलोमा पुग्दा आलोचना मात्र खेपी रहनु परेको बताउनु भयो । उहाले संघीय सरकारले साना योजना कटौती गर्दा र सांषद बिकास कोषको रकम सरकारले रोक्का गर्दा आफुहरुले जनता माझमा जादा आलोचित बन्नु परेको बताउनु भयो । बस्नेतले इलाम जिल्लाको पूर्वी क्षेत्र पर्यटनको हव भएकाले पर्यटन क्षेत्र र बिकास निर्माणका क्षेत्रमा बिभिन्न काम भैरहेको र आगामी दिनमा तीनै तहका सरकारको समन्वयमा त्यसलाई निरन्र्तता दिन लागि पर्ने बताउनु भयो ।
कार्यक्रममा ललितपुर महानगरपालिकाका नगर प्रमुख चिरीबाबु महर्जनले सूर्योदय नगरपालिकाले गरेका असल अभ्यास ललितपुर महानगरले अनुसरण गर्ने बताउनु भयो । उहाले प्राकृतिक रुपमा सुन्दर रहेको सूर्योदय नगरपालिकाले गर्दै आएका असल कामलाई आगामी बर्ष देखि ललितपुर महानगरले कार्यान्वयन गर्ने जानकारी दिनु भयो ।
नगर प्रमुख महर्जनले खरिद ऐनका कारण स्थानीय पालिकालाई काम गर्न समस्या पर्ने गरेको बताउनु भयो । उहाले बिलोमा ठेक्का दिने प्रक्रियाको अन्त्य नभए सम्म स्थानीय पालिकाहरुलाई काम गर्न समस्या भैरहने र गुणस्तरीय कामको प्रतिफल पाउन नसकिने बताउनु भयो ।
कार्यक्रममा सूर्योदयका नगर प्रमुख रण बहादुर राईले सूर्योदयले आर्थिक बर्ष २०८२/०८३ का लागि १७ औं नगर सभाले पारित गरेको बजेट , नीति तथा कार्यक्रम बारे जानकारी दिनु भएको थियो । उहाले दिगो बिकासका लक्ष्यलाई स्थानीयकरण गर्दै शिक्षा, स्वास्थ्य , कृषि पर्यटन र भौतिक पूर्वाधारका क्षेत्रमा नगरले प्राथमिक्ता दिएर बजेट निर्माण गरेको जानकारी दिनु भयो ।
सूर्योदय नगरपालिकाले आर्थिक बर्ष २०८२/०८३ का लागि एक अर्व ४० करोड बढीको बजेट पारित गरेको थियो । नगरले बर्षेनी बार्षिक नीति ,बजेट तथा कार्यक्रम सार्वजनिकीकरण कार्यक्रमको अवसरमा बिभिन्न कार्यक्रम गर्दै आएको छ ।
कार्यक्रममा नगरले नगर क्षेत्रमा बिभिन्न बिधामा उत्कृष्ठ काम गर्ने १६ बिधाका ब्यक्ति तथा संस्थालाई सम्मान गरेको छ ।
उक्त कार्यक्रमको अवसरमा संविधान सभा सदस्य सूर्यवाला राई , कोशी प्रदेश सभा सदस्य खिनु लङवा लिम्बु , जिल्ला समन्वय समिति इलामका प्रमुख जय प्रकाश राई , सूर्योदय नगर उप प्रमुख दुर्गा कुमार बराल , नेकपा एमाले सूर्योदय नगर कमीटी अध्यक्ष दुर्गा देबी भटटराई , नेपाली काग्रेस नगर उपसभापति रमेश प्रधान, नेकपा एकीकृति समाजवादी नगर अध्यक्ष कमल गदाल, माओवादी केन्द्रका सूर्योदय नगर इन्चार्ज प्रविन तिम्सीना, राष्ट्रिय स्वतन्त्र पार्टीका नगर उपसभापति महेश गदाल , राष्ट्रिय प्रजातन्त्रपार्टीका राजकुमार कट्टेल , नगर बाल संजालका निशान्त राई लगायतले बजेट नीति तथा कार्यक्रम माथी आफना कुरा राख्दै बजेट कार्यान्वयनका लागि शुभकामना दिनु भएको थियो । कार्यक्रममा बिभिन्न सांगीति तथा सांस्कृतिक प्रस्तुती समेत राखीएको थियो ।
