इलाम : इलाम नगरपालिकालाई पूर्ण खोप सुनिश्चितता र दिगोपना पालिका घोषणा गरिएको छ । १२ वटै वडाका सम्पूर्ण बालबालिका खोपको पहुँचमा पुगेसंगै इलामलाई पूर्ण खोप सुनिश्चित पालिका घोषणा गरिएको हो । नगरप्रमुख केदार थापाको अध्यक्षतामा कार्यक्रम गरिएको थियो । जन्मे देखि १५ महिनासम्म र १५ महिनादेखि ५९ महिनासम्मका बालबालिकाहरुलाई बाह्रै वटा वडामा पूर्ण खोप सुनिश्चितता घोषणा गरेपश्चात इलाम नगरपालिकालाई पूर्णखोप सुनिश्चितता गरिएको प्रवक्ता नुतनदेव दुलालले जानकारी दिए ।
‘राष्ट्रिय खोप अभियान अन्तर्गत खोप निःशुल्क पाइन्छ खोप सुनिश्चित हुन्छ । खोपले जीवन रक्षा गर्छ ।’ भन्ने नाराका साथ बाल मृत्युदर, बिरामीको दर, अपाङ्गता दरमा कमी ल्याउन र मात्रृ मृत्युदरलाई घटाउन खोपले बालबालिकालाई काम गर्ने भएकाले सवै वडामा अभियान संचालन गरिएको दुलालले जानकारी दिए ।
कार्यक्रममा इलाम नगरपालिकाका उपप्रमुख विष्णुकुमारी दाहाल लिम्बु नगर प्रवक्ता तथा वडा अध्यक्ष नुतनदेव दुलाल जिल्ला स्वास्थ्य कार्यालयका प्रमुख आदित्य शाक्य जिल्ला स्वास्थ्य कार्यालयका खोप फोकल पर्सन गंगाधर पण्डित, इलाम नगरपालिकाका स्वास्थ्य शाखा प्रमुख उपेन्द्र खनाल। लगायतले आफ्नो मन्तव्य राखेका थिए ।
कार्यक्रममा वडा नम्बर ५ का वडाध्यक्ष काजी बहादुर श्रेष्ठ वडा नम्बर ६ का वडा अध्यक्ष दुर्गा मदन श्रेष्ठ वडा नम्बर ७ का वडा अध्यक्ष नरेश श्रेष्ठ वडा नम्बर २ का वडा अध्यक्ष गिरिराज रिजाल वडा सदस्यज्यूहरू कार्यपालिका सदस्य इलाम नगरपालिकाका स्वास्थ्य शाखाका कर्मचारी, बाह्रै वडा वडाका आधारभूत स्वास्थ्य केन्द्रका प्रमुख ज्यूहरु स्वास्थ्य स्वयंसेविकाहरू नगरपालिकाका स्वास्थ्यसँग सम्बन्धित रहेका सम्पूर्ण कर्मचारी उपस्थित थिए ।
