पशुपतिनगर(इलाम): इलामको रोङ गाउँपालिका ३ पाथले डाडाँ स्थित मेची राजमार्ग सवारी दुर्घटना हुदा दुई जनाको मृत्यु भएको छ ।
आईतबार साँझ झापाबाट इलाम आउदै गरेको प्रदेश १–०१–००१ ख ४५४७ नम्बरको ट्रकले बिपरित दिशाबाट आउदै गरेको बा ८९ प २२६६ न.को मो.सा.लाई ठक्कर दिदा बझाङ बित्छडचिर गाउँपालिका १ का २६ बर्षीय मदन बहादुर बोहरा र जाजरकोट छेडागाडा नगरपालिका ८ का २३ बर्षीय सिर्जना गिरीको मृत्यु भएको हो ।
मोटर साईकलमा सवार दुबै घाईतेलाई तत्काल उपचारको लागि झापाको बीएण्डसी अस्पताल लगिएकोमा उपचारको क्रममा मृत्यु भएको जिल्ला प्रहरी कार्यालय इलामका प्रहरी नायव उपरीक्षक मान बहादुर राईले जानकारी दिनु भयो । ट्रक चालक पाँचथर कुमाय गाउँपालिका ९का ३३ बर्षीय नितेश बुढाथोकीलाई प्रहरीले नियन्त्रणमा लिएको छ । गोरखापत्र अनलाईलबाट
