फिक्कल: नेपालका लागी भारतीय राजदुत नवीन श्रीवास्तव र काउन्सिलर अनिस कुमार सिहले इलामको सूर्योदय नगरपालिका ११ स्थित करफोक माध्यमिक विद्यालय अध्ययन, अवलोकन गरेका छन् । राजदूतले भारतीय सहयोगमा निर्माण सम्पन्न करफोका विद्या मन्दिर माध्यमिक विद्यालयको आफ्नो धार्मिक यात्राको क्रममा ताप्लेजुङ जाने क्रममा अवलोकन गरेका हुन ।
त्यसैगरी भारतीय सहयोगद्वारा ५० बर्ष अघि निर्मित इलाम अस्पतालको समेत निरीक्षण गर्ने र इलाम नगरपालिकाद्वारा डिपिआर तयार पारी उक्त अस्पताललाई अत्याधुनिक संरचना सहित सञ्चालन गर्ने विषयमा उनले चासो व्यक्त गरेका छन् । त्यस क्रममा राजदुत श्रीवास्तवले चासो सहित छिट्टै बजेट व्यवस्थापन गर्ने बिषयमा पहल गर्ने बताए ।
करफोक विद्या मन्दिरको अध्ययनका क्रममा इलाम नगरपालिकाका प्रमुख केदार थापा, इलाम नगरपालिका १० का अध्यक्ष दिलिप प्रधान लगायतको उपस्थिति रहेको थियो । नेपालका लागी भारतीय राजदुत नवीन श्रीवास्तव पूर्व नेपालको ताप्लेजुङ जिल्लाको पाथिभराको भ्रमणका लागि गएका हुन् ।
