फिक्कल: नेपाल कम्युनिस्ट पार्टी एकीकृत समाजवादी (नेकपा एस) ले इलामको माई नगरपालिकाको सुखानीमा स्थापना दिवस मनाएको छ ।
पार्टीको कोशी प्रदेश कमिटीको आयोजनामा ७६ औं स्थापना दिवस तथा आन्दोलन घोषणा कार्यक्रम सम्पन्न गरिएको हो । पार्टीका इलाम र झापा जिल्ला कमिटीले व्यवस्थापन गरेको कार्यक्रममा पार्टीका वरिष्ठ नेता घनेन्द्र बस्नेतको प्रमुख आतिथ्यता तथा पोलिटब्युरो सदस्य खिनु लङ्वा लिम्बूको विशिष्ट आतिथ्यमा सम्पन्न भयो । कार्यक्रममा केन्द्रीय सदस्य भक्त केसी सहितका नेता–कार्यकर्ताको सहभागिता थियो । उक्त कार्यक्रम कोशी प्रदेश कमिटी अध्यक्ष सरिता थापाको अध्यक्षतामा सम्पन्न भएको थियो ।
सुखानी पाँच सहिदले सहादत प्राप्त गरेको स्थल हो । २०२९ सालमा झापाबाट इलाममा जेल सार्ने बहानमा प्रहरीले कम्युनिस्ट आन्दोलनका पाँच योद्धालाई सुखानीमा हत्या गरेको थियो । अहिले यो स्थललाई ऐतिहासिक स्थलका रूपमा विकास गरिएको छ । उक्त स्थानमा बिभिन्न प”र्वाधारका काम भैरहेका छन।
