फिक्कल :इलाम जिल्ला स्तरीय १५ औं राष्ट्रपति रनिङ शिल्ड प्रतियोगिता २०८१ को उपाधि इलाम नगरपालिकाले जितेको छ । इलामको माई नगरपालिकाको शितली खेल मैदानमा सम्पन्न प्रतियोगितामा २२ स्वर्ण, १३ रजत र ८ काश्य पदक सहित इलाम नगरपालिकाले उपाधि जितेको हो ।
यो संगै इलाम नगरपालिकाले लगातार प्रतियोगिताको उपाधि जितेको तीन बर्ष भएको छ । ६ वटा बिधा लागि भलिवल, कवडी, एथलेटिक्स, उसु, कराँते, तेक्वान्दो गरी ६६ बिधामा खेल सम्पन्न भएका थिए । प्रतियोगितामा सूर्योदय नगरपालिका १८ स्वर्ण , १३ रजत र २० काश्य पदक सहित दोस्रो भएको छ । यस्तै माई नगरपालिकाले १२ स्वर्ण, १२ रजत र २१ काश्य सहित तेस्रो भएको जिल्ला खेलकुद बिकास समिति इलामका कार्यालय प्रमुख नारायण भट्टराईले जानकारी दिनु भयो ।
प्रतियोगितामा माङसेबुङ गाँउपालिका ४ स्वर्ण, ३ रजत र २ कास्य सहित चौथो, माईजोगमाई गाँउपालिका ३ स्वर्ण, १० रजत र २ कास्य सहित जित्दै पाँचौ, चुलाचुली गाँउपालिका २ स्वर्ण, ३ रजत र १९ कास्य सहित जित्दै छैटौ बनेको छ ।सन्दकपुर गाँउपालिका २ स्वर्ण सहित सातौ, रोङ गाउँपालिका १ स्वर्ण, ६ रजत र १५ कास्य सहित जित्दै आठौ, देउमाई नगरपालिका १ स्वर्ण, ५ रजत र ५ कास्य सहित जित्दै नवौ र फाकफोकथुम गाँउपालिका १ स्वर्ण, २ रजत र ६ कास्य सहित हात पार्दै दशौ स्थानमा परेको छ ।
बिजेता खेलाडी र पालिकालाई जिल्ला खेलकुद बिकास समिति इलामका अध्यक्ष खगेन्द्र बास्तोला र माई नगरपालिकाका नगर प्रमुख खम्बासिं लिम्बुले पुरस्कार बितरण गर्नु भएको थियो । माई नगरपालिकाले कार्यक्रम आयोजना गरी प्रतियोगिता सम्पन्न गर्न जिल्ला खेलकुदलाई १३ लाख रुपियाँ सहयोग गरेको थियो । अर्को बर्षको प्रतियोगिता सूर्योदय नगरपालिकामा हुने भएको छ ।
बिगत तीन बर्ष देखि राष्ट्रपति रनिङ शिल्ड ग्रामिण क्षेत्रमा गर्न थालिए पछि प्रतियोगितालाई पालिकाहरुले प्रतिष्पर्धाको रुपमा लिएर सहभागीता जनाउन थालेका छन् ।
