दानाबारी(इलाम) इलाम जिल्ला स्तरीय १५ औं राष्ट्रपति रनिङ शिल्ड प्रतियोगिता आजबाट शुरु हुदै छ । माई नगरपालिकको शितली खेलमैदानमा जिल्लाका १० पालिकाका नौ सय हाराहारी खेलाडीले बिभिन्न ६ बिदाका खेलमा प्रतिष्पर्धा गर्ने गरी प्रतियोगिता शुरु हुन लागेको हो ।
जिल्ला खेलकुद बिकास समिति इलाको आयोजना र ब्यवस्थापक माइ नगरपालिकाको ब्यवस्थापनमा हुने प्रतियोगितामा १० पालिकाका ८९५ बिद्यार्थी , १० जनाका दरले १० पालिकाका १०० जना प्रशिक्षक, रेफ्री , अफिसियल गरी एक हजार ५०० बढीको सहभागीता रहने छ । प्रतियोगितामा ६ वटा बिधा लागि भलिवल, कवडी, एथलेटिक्स, उसु, कराँते, तेक्वान्दो रहने जिल्ला खेलकुद बिकास समिति इलामका अध्यक्ष खगेन्द्र बास्तोलाले जानकारी दिनु भयो । प्रतियोगितामा सहभागी हुन सबै पालिकाका खेलाडी शितली आइपुगेका छन । खेलाडीको बसोबासको ब्यवस्थापन माई नगरपालिकाले गरेको छ । प्रतियोगिता सम्पन्न गर्न आयोजकलाई माइ नगरपालिकाले १३ लाख रुपियाँ सहयोग गरेको छ ।
माई नगरपालिकाका नगर प्रमुख खम्बासिं लिम्बुले ग्रामिण खेलकुदको जग भएकाले प्रतियोगिता पालिकामा संचालन गरीएको जानकारी दिनु भयो । समितिले जिल्ला सदरमुकाममा हुदै आएको प्रतियोगितालाई ग्रामिण खेलकुदको बिकास गर्ने उद्देश्यले बिगत तीन बर्ष देखि पालिका स्तरमा संचालन गर्दै आएको छ । जिल्ला खेलकुद बिकास समिति इलामका कार्यालय प्रमुख नारायण भट्टराईका अनुसार आगामी बर्ष सूर्योदय नगरपालिकाले प्रतियोगिता संचालन गर्ने गरी आजै झण्डा हस्तान्तरण गरिदै छ । प्रतियोगिताको उद्घाटन कोशी प्रदेशका आन्तरिक मामिला तथा योजना मन्त्री राम राना मगरले गर्ने कार्यक्रम रहेको छ । प्रतियोगिता तीन दिन सम्म संचालन हुने छ ।
