फिक्कलः पाठेघरको मुखको क्यान्सर बिरुद्धको एचपिभी खोप अभियान सूर्योदय नगरपालिकामा आजबाट शुरु भएको छ । नगरका ४५ वटा बिद्यालय १४ स्वास्थ्य संस्थामा अभियानकै रुपमा खोप कार्यक्रम शुरु गरीएको हो । अभियानको उद्घाटन गर्दै नगर प्रमुख रण बहादुर राईले अवको पुस्ताका छोरी चेलीले अकालमा ज्यान गुमाउनु नपर्ने बताउनु भयो ।
नगरको स्वास्थ्य शाखाले नगरका बिद्यालयमा अध्ययनरत कक्षा ६ देखि १० कक्षा सम्मका किसोरी र बिद्यालय बाहिर रहेका १० देखि १४ बर्ष उमेर समुहका किसोरीलाई खोप लगाउन शुरु गरेको स्वास्थ्य शाखा प्रमुख बिपुल अधिकारीले जानकारी दिनु भयो । उहाका अनुसार नगरका एक हजार आठ सय २८ जनालाई खोप लगाईने छ । जस अन्र्तगत आज पहिलो दिन ४१० जना(२२ प्रतिशत)लाई खोप लगाइएको छ ।
उक्त खोप आगामी बर्ष पनि कक्षा ६ देखिका बिद्यार्थीलाई निरन्तर लगाइने छ भने बिद्यालय बाहिर रहेका १० बर्ष देखि १४ बर्ष सम्मका अन्य किसोरीलाई पनि खोप लगाईने छ ।
‘सेकोलिन’ नामक उक्त भ्याक्सिन सिंगल डोजमा छ । फागुन ५ गते सम्म संचालन हुने छ । यस अघि फागुन २ गते सम्म संचालन हुने भनीए पनि ३ दिन थप गरीएको हो । यस अघि नै उक्त खोप सम्बन्धि तालिमा स्वास्थ्यकर्मीलाई दिई सकिएको छ । शाखाले प्रत्येक वडामा अभिमुखीकरण कार्यक्रम संचालन गरी अभियान संचालन गरेको छ । शाखा प्रमुख अधिकारीले पहिलो चरणमा एचपिभी खोप लगाउने, दोस्रो चरणमा स्क्रृनिङ गर्ने र तेस्रो चरणमा उपचार गर्ने गरी तीन चरणमा पाठेघरको मुखको क्यान्सको उपचार गर्न सकिने जानकारी दिनु भयो । सरकारले यो खोपलाई शतप्रतिशत प्रभावकारी भनेको छ । यो खोप लगाउदा अन्य कुनै प्रकारका असर नपर्ने समेत जनाइएको छ ।
