फिक्क्ल : यातायात व्यवसायीले ताप्लेजुङ पाथीभरामा जारी विवादका कारण मेची राजमार्गमा बन्द यातायात अविलम्ब खुलाउन माग गरेका छन् ।नेपाल यातायात व्यवसायी राष्ट्रिय महासंघ, जिल्ला समन्वय समिति झापा, इलाम, पाँचथर र ताप्लेजुङले बिहीबार विज्ञप्ति जारी गरी तीन दिनसम्म पनि यातायात खुल्न नसक्दा व्यवसायीलाई अतिरिक्त भार परिरहेको जनाएको छ ।
नेपाल सरकारलाई २ सय ६० प्रतिशतसम्म भन्सार शुल्क बुझाएर चर्को मूल्यमा बैंकबाट ऋण लिएर खरिद भएका सवारीसाधन चल्ने वातावरण नहुँदा मासिक किस्ता बुझाउन समेत समस्या हुने व्यवसायीको भनाइ छ । उनीहरुले सरकार र आन्दोलनरत पक्षबीच बार्ता गरी समस्याको समाधान खोज्न पनि अपिल गरेका छन । बन्द जारी रहदा हजारौ यात्री अलपत्र परेका छन ।
