माइजोगमाई: इलामको माइजोगमाई गाउँपालिकाको केन्द्र नयाँबजारमा रहेको अमर कल्याण नमुना माध्यमिक बिद्यालयको सभाहलको आज उद्घाटन गरीएको छ । आर्थिक बर्ष २०७६÷०७७ बाट निर्माण सुरू भएको सभाहलको आज एक कार्यक्रमको बिच माईजोगमाई गाउँपालिका अध्यक्ष कुश बहादुर थेवे र माईजोगमाई गाउँपालिका उपाध्यक्ष प्रविना राईले संयुक्त रुपमा उद्घाटन गर्नु भएको हो ।
माईजोगमाई गाउँपालिकाको आर्थिक बर्ष २०७६÷७७ मा १० लाख , आर्थिक बर्ष २०८०/०८१ मा २० लाख र आर्थिक बर्ष २०८१/०८२ मा ५ लाख गरी कुल लागत ३५ लाख र स्थानीय बिद्यालयको स्रोतबाट ३ लाख २३ हजार ९ सय ७५ रूपैया १२ पैसा गरी जम्मा लागत ३८ लाख २३ हजर ९ सय ७५ रूपैया १२ पैसामा निर्माण गरिएको सभाहलमा ३०० जना अटाउन सकिने क्षमता छ ।
गाउँपालिकाको केन्द्र रहेको नयाँबजारमा सभा हलको अभाव हुदा विभिन्न कार्यक्रम गर्न समस्या हुने गरेको थियो । तर ,नयाँबजारमा सभा हल निर्माण भएपछि बिभन्न किसिमका कार्यक्रम संचालन गर्नको लागि सहज भएको छ ।सभाहलमा हलको लागि स्टेज निर्माण , ३०० जना अटाउन सकिने कुर्सी ,सोफासेट , साउण्ड सेट , लगायतको ब्यवस्था समेत गरिएको छ ।
कार्यक्रमको अवसरमा माईजोगमाई गाउँपालिका स्तरीय राष्ट्रपति रनिङशिल्ड प्रतियोगितामा सफल हुने बिद्यार्थीलाई सम्मान समेत गरिएको थियो ।बिद्यालयमा स्थापना भएको बेममाया स्मृति अक्षयकोषबाट बिद्यालयका बिद्यार्थी अजयदेव फागो र शर्मिला गुरूङलाई छात्रबृद्दि प्रदान समेत गरिएको थियो ।
सभाहल अमर कल्याण नमुना माध्यमिक बिद्यालयका बिद्यालय ब्यवस्थापन समिति अध्यक्ष याम कुमार कार्कीको अध्यक्षता तथा माईजोगमाई गाउँपालिका अध्यक्ष कुश बहादुर थेवेको प्रमुख आथित्यतार , माईजोगमाई गाउँपालिका उपाध्यक्ष प्रविना राईको विशेष आथित्यतामा सभाहलको उद्घाटन गरिएको थियो ।
