फिक्कल: मुलधारका फिल्म हेर्ने होडबाजी चलिरहेको बेला इलाममा जनचेतना मुलक फिल्म देखाउन थालिएको छ । काठ्माण्डौ इन्टरनेशनल माउण्टेन नेशसन फिल्म फेस्टििवल (किम्फ पाउण्डेशन)ले बिभिन्न जनचेतना मुलक फिल्म र डकुमेन्ट्री देखाउन थालिएको हो ।
इलामको सूर्योदय नगरपालिकामा फाउण्डेशनले पहिलो महिला सगरमाथा आरोही पासाङ लमु शेर्पाको जिवनीमा आधारित फिल्म पासाङ इन द स्याडो अफ एभरेष्ट देखाइएको फाउण्डेशनका शेखर खरेलले जानकारी दिनु भयो । उहाले मुलधारका भन्दा फरक पन दिने गरी निर्माण गरीएका फिल्म र डकुमेन्ट्री इलाममा देखाइएको बताउनु भयो । ‘कला र शिक्षाप्रद फिल्म देखाउन पूर्व आएका छौ, फिल्म हेरेपछि केहि शिक्षा दिन्छ भन्ने लागेको छ ।’
फिल्म हेर्न स्थानीय संचारकर्मी , शिक्षा र बिद्यार्थी सहभागी हुनु भएको थियो । फाउण्डेशनले पासाङ इन द स्याडो अफ एभरेष्ट सहित, मोटी दुब्ली काली गोरी, लगायतका पाँचवटा फिल्म देखाईने फउण्डेशनका खरेलले जानकारी दिनु भयो । फिक्कलमा पत्रकार केदार शर्माले कार्यक्रमको संयोजन गर्नु भएको थियो भने इलाम बजारमा बिहिबार पत्रकार महासंघ इलामको संयोजनमा कार्यक्रम हुने छ ।
पासाङ इन द स्याडो अफ एभरेष्ट फिल्म हेरी सकेपछि फिक्कल माध्यमिक बिद्यालयका शिक्षक मात्रृका दाहालले केहि गरौ भन्ने उमेरका वालवालिकाका लागि महत्वपूर्ण हुने बताउनु भयो । फाउण्डेशनका खरेलले अहिलेको पाठ्यक्रमको बैकल्पिक स्रोतका रुपमा भिडियो भएको बताउनु भयो ।
फिल्म फिक्कल, इलाम हुँदै झापाको सुरुङ्गा, दमक , सुनरीको इटहरी र धरानमा पनि देखाइने छ । फाउण्डेशनले काठ्माण्डौंमा मुख्य फिल्म फेस्टिवल बर्सेनी गर्दै आएको छ ।
