फिक्कलः मण्डला थिएटरले इलामको सूर्योदय नगरपालिकाको अन्तुमा कचहरी नाटक “लय प्रकृतिको” पदर्शन गरेको छ । कलाको माध्यमबाट नागरिकलाई जलवायु परिवर्तन, पहिरो, बाढी, आगलागी र भूकम्प जस्ता प्रकोपका नकारात्मक असरबाट आफू, आफ्नो परिवार रसमुदायलाई जोगाउने उपायबारे जानकारी दिदै नाटक प्रदर्शन गरिएको हो ।
नाटक “लय प्रकृतिको“ प्राकृतिक विपत्तिसँग सम्बन्धित छ । नाटकमा सोमनाथ खनाल, उमेश तामाङ, सागर खाती, मिलन कार्की, रेनु योगी, वेदना राई लगायत चर्चित कलाकारको अभिनय रहेको थियो । नाटकमा जथाभाभी गरीने डोजरे बिकासको असर, बनजंलगमा गरीने आगजनी, मापदण्ड पुरा नगरी निर्माण गरीने संरचनाका कारण भुकम्पीय असर आदि बिषय समेटीएको थियो ।
नाटक सम्पन्न भए पछि सूर्योदयका नगर प्रमुख रण बहादुर राईले नाटकले यथार्थलाई चित्रण गरेको बताउनु भयो । उहालय यस्ता नाटकले प्राकृतिक बिपत्ती रोक्न सहयोग पुग्ने बताउनु भयो ।
कार्यक्रममा स्थानीय जनप्रतिनिधि, कर्मचारी, सुरक्षाकर्मी , शिक्षक , बिद्यार्थी लगायत स्थानीयको ठूलो संख्यामा उपस्थिति रहेको थियो ।
पछिल्लो समय नेपाली चलचित्र जगतका प्रसिद्ध कलाकार विजय बराल, बुद्धि तामाङ, प्रदिप कुमार चौधरी, नाजिर हुसेन लगायतका सुप्रसिद्ध कलाकारलाई मण्डला थिएटरमा देखिने गरीएको छ । मण्डला थिएटले बिश्व बैंक, युके एड, क्यानडा, युसआइडी सहयोग र सूर्योदय नगरपालिकाको सहजीकरणमा नाटक पदर्शन गरेकोे थियो ।
