फिक्कल : सूर्योदय नगरपालिका १३ को ज्योति माध्यमिक बिद्यालयमा बिभिन्न सांस्कृतिक कार्यक्रम सम्पन्न भएको छ । २०८१ को देउसी भैलो समापन तथा सांस्कृतिक कार्यक्रम समापनको अवसरमा बिभिन्न कार्यक्रम सम्पन्न गरीएको हो ।
बिद्यालय ब्यवस्थापन समितिका अध्यक्ष दिननाथ मिश्रको अध्यक्षता तथा सूर्योदय नगरपालिकाका नगर प्रमुख रण बहादुर राईको प्रमुख आतिथ्यतामा सम्पन्न कार्यक्रममा बिभिन्न सास्कृतिक कार्यक्रम सम्पन्न भयो । बिद्यालयका प्रधानाध्यापक दिपक पौडेलले कार्यक्रममा स्वागत मन्तब्य राख्दै बिद्यालयलाई चलायमान बनाउन सबै क्षेत्रको सहयोगको आवश्यक्ता रहेको औल्याउनु भयो । करफोक बिद्यामन्दिर माध्यमिक बिद्यालयका अध्यक्ष तथा कलाकार भुपेन्द्र राईको संयोजनमा भएको सांस्कृतिक कार्यक्रममा बिद्यालयका शिक्षक शिक्षिकाले देउसी गीत पस्तुत गर्नु भएको थियो ।
कार्यक्रममा कलाकार पुजन प्रधान, भुपेन्द्र राई , चन्दन किसोर राई , तुलसी क्षेत्री , कृतिका राई , गायत्रा ओली, बृष प्रधान, प्रविन बिसी लगायत दजनौ कलाकारले आफनो प्रस्तुती दिनु भएको थियो ।
सूर्योदय १३ का वडाध्यक्ष हेमराज आचार्य , वडा नं. ६ का वडाध्यक्ष शिवकुमार बस्नेत , शिक्षा युवा तथा खेलकुद शाखा प्रमुख योगनिधि भट्टराई लगायत बिभिन्न बिद्यालयका बिब्यस अध्यक्ष तथा प्रधानाध्यापक सहभागी कार्यक्रममा बिद्यालयलाई आवासीय ब्यवस्थापनका लागि आर्थिक सहयोग गरीएको थियो ।
कार्यक्रममा नगर प्रमुख राईले नगरे पाँचवटा क्षेत्रलाई बिशेष प्राथमिक्तामा राखेर काम गरीरहेको जानकारी दिनु भयो । उहाले १३ र १४ नं. वडामा नगरले पहिलो पटक छात्र÷छात्राबासको ब्यवस्था गरेको जानकारी दिनु भयो । उहाले शिक्ष क्षेत्रमा अहिले गरेको लगानीको प्रतिफल पछि देखिने जानकारी दिनु भयो ।
बिद्यालयकले पछिल्लो समय बिभिन्न कार्यक्रा गरी बिद्यालयको शैक्षिक गुणस्तर सुधारका लागि काम गर्दै आएको छ ।
