फिक्कल: इलामको माई नगरपालिकामा खोलाले बगाउदा घाईते एक व्यक्तिको उपचारको क्रममा शुक्रबार साझ मृत्यु भएको छ । माई नगरपालिकाको सेतु खोलामा आएको बाढीले बगाउदा घाइते भएका ६८ बर्षीय मैतराज लिम्बूको उपचारको क्रममा मृत्यु भएको हो ।
शुक्रबार दिउसो खोला तर्ने क्रममा बगाएका लिम्बूको स्थानीय र प्रहरीले उद्दार गरेका थिए । दानाबारीमा प्राथमिक उपचार गरी थप उपचारका लागि प्रादेशिक अस्पताल झापा लगिएकोमा लिम्बुको उपचारको क्रममा मृत्यु भएको जिल्ला प्रहरी कार्यालय इलामका एसपी प्रभु ढकालले जानकारी दिनु भयो ।
लगातारको बर्षाका कारण इलामको माइ, जोगमाई, देउमाई पूवामाई सहित साना खोलामा समेत पानीको सतह बढेर जोखिम बढ्न थालेको छ ।
