फिक्कल: बिश्व पर्यटन दिवसको अवसरमा इलामको सूर्योदय नगरपालिकाको चर्चित पर्यटकीय स्थल कन्यामलाई सिंगारने काम गरीएको छ ।
सूर्योदय नगरपालिकाले कन्यामको सडक किनासरमा बिश्व पर्यटन दिवस २०२४ को अवसरमा फूल सहितका गमला राखेर कन्यामलाई थप सिंगारने काम गरेको हो ।
नगरले दिवसको अवसरमा कन्याम क्षेत्रमा सरसफाई गरी सडक किनारमा सयपत्री, एन्जेलीया र धुपी रोपेको छ । कन्याम क्षेत्रका सडक किनासरमा ६५ वटा गमलामा फुलका बिरवा रोपेर सडक किनारमा राखीएको सूर्योदय नगरपालिकाको बन बातावरण तथा बिपत ब्यवस्थापन शाखाका प्रमुख इश्वरी अधिकारीले जानकारी दिनु भयो ।
कोरोना महामारीको समयमा सूर्योदय नगरपालिकाले कन्यामको ब्युटिफिकेशन गरेको थियो । बाह्ै महिना स्वदेशी पर्यटकको घुइचो लाग्ने कम्यामलाई थप सुन्दर बनाउनका लागि फुल रोप्ने काम गरीएको नगर प्रमुख रण बहादुर राईले जानकारी दिनु भयो । ‘कन्याममा पर्यटकका लागि बिभिन्न पूर्वाधार निर्माण सगै यसको सजावटमा पनि नगरले ध्यान दिएको छ ’ नगर प्रमुख राईले भन्नु भयो । कन्याममा पर्यटक चियाबारी घुम्न, घोडचढी गर्न र बनभोजका लागि आउने गरेका छन । सूर्योदय नगरपालिकाका प्रमुख प्रशासकीय अधिकृत मिलन भट्टराईले पर्यटकको चाप बढे संगै कन्याको थप आकर्षण गर्ने काम भैरहेको जानकारी दिनु भयो ।
नगरले कन्यामको ब्युटिफीकेसन गरेपछि बार्षिक रुपमा कन्यामबाट २५ लाख बढी आम्दानी गर्दै आएको प्रशासकीय अधिकृत भट्टराईले जानकारी दिनु भयो । नगरले कन्यामको पार्कीङ, ब्यवसाय शुल्क लगायत ठेक्का लगाएर उक्त रकम आम्दानी गर्दै आएको छ ।
नगरले कन्याममा सेल्फी पार्क, टिकटक पार्क आदि निर्माण गरी सडकको दुबै तर्फ रेलिङ लगाएको छ । कन्याममा चिया अनुसन्धान केन्द्रको समेत निर्माण गरीएको छ । अत्याधुनिक संरचनाको होटल सहित कन्याममा केहि समयमै चिया अनुसन्धान केन्द्र संचालनमा आउने नगरले जनाएको छ । नेपालमै पहिलो पटक निर्माण गरीएको चिया टेस्टिङ तथा अनुसन्धान केन्द्रमा चियाको बिदेशी वायर आएर चियाको टेस्टिङ , खरिद तथा अनुसन्धान गर्ने अपेक्षा नगरको छ । पछिल्लो समय पर्यटकको चाप बढे संगै कन्याममा ठूला लगानीका होटल तथा लज समेत संचालनमा आएका छन् । कन्याममा यस अघि नै स्काईवाक संचालनमा छ भने नगरले सिसाको पुल निर्माण गरीरहेको छ ।
कोशी प्रदेश सरकारले सूर्योदय नगरपालिकालाई पर्यटकीय नगरी यस अघि घोषणा गरेको थियो । प्रदेश सरकारले पर्यटकीय नगरी घोषणा गरे पनि पर्यटकीय नगरीका लागि कुनै ठोस नीति भने बनाएको छैन ।
