इलाम:इलाम गोल्डकपको दोस्रो संस्करण आउँदो मंसिरमा सञ्चालन गरिने भएको छ । । जिल्ला लिग च्याम्पियन रेडहर्स फुटबलको आयोजनामा इलामको ठूलो टुँडिखेलमा मंसिर २२ देखि २९ सम्म प्रतियोगिता आयोजना गर्न लागेको हो । प्रतियोगितामा सहभागी हुने सम्भावित आठ टिमको नामसमेत आयोजकले ९आज० बुधबार आयोजित पत्रकार सम्मेलनमार्फत् सार्वजनिक गरेको छ ।
प्रतियोगितामा आयोजक रेडहर्स फुटबल क्लबसंगै गत संस्करणको बिजेता न्यूरोड टिम एनआरटी (काठमाण्डौ खेलमण्डल), मच्छिन्द्र, थ्रिस्टार, संकटा, त्रिभुवन आर्मी, बिर्तामोड युनाइटेड, अफ्रिकन क्लब रहेका छन् । प्रतियोगिताको सम्भावित टिमको रुपमा नाम सार्वजनिक गरिएपनि यसमा केही परिर्वतन हुन सक्ने अखिल नेपाल फुटबल संघ ९एन्फा० का पूर्व केन्द्रीय सदस्य निरोज खड्गी बताए ।
उनका अनुसार ए डिभिजन लिग च्याम्पियन चर्च वोइज एफसीले समेत इलामको मैदानमा सहभागिता जनाउने इच्छा देखाएको छ । आयोजक समितिका साङ्गे योल्मोले प्रतियोगिताका लागि तयारी सुरु भएको बताए । ‘हामीले अब मैदान र आर्थिक सहयोगसहितका काम सुरु गरेका छौं,’ उनले भने, ‘गतवर्षको प्रतियोगिता भव्य भएकाले हामी उत्साही छौं ।’ दोश्रो संस्करणको प्रतियोगितामा पुरस्कार राशीमा समेत दोब्बर बृद्धि गरिएको छ । यस पटक बिजेताले १० लाख र उपविजेताले ५ लाख रुपैया प्राप्त गर्नेछन् । गत संस्करणको बिजेताले ५ लाख र उपविजेताले ३ लाख रुपैया प्राप्त गरेका थिए ।
प्रतियोगितामा ७८ लाख रुपैयाँ खर्च अनुमान गरिएको आयोजक समितिका निरोज खड्गीले जानकारी दिए । ‘प्रतियोगिताको मुख्य प्रायोजकबाट २० लाख रुपैयाँ र तथा गेटमनीबाट १८ लाख रुपैयाँ आम्दानी हुने अनुमान छ,’ खड्गीले भने, ‘विभिन्न सरकारी र गैरसरकारी निकायबाट प्रतियोगिताको आय संकलन गरिनेछ ।’ प्रतियोगिताको म्यान अफ दि म्याचलाई ७ हजार ५ सय प्राप्त गर्नेछन् । उत्कृष्ट गोलरक्षक, उत्कृष्ट प्रशिक्षक, उत्कृष्ट डिफेन्डर, उत्कृष्ट मिडफिल्डर र सर्वाधिक गोलकर्ताले जनही १० हजार पाउनेछन् ।
गत संस्करणमा माघ ६ गतेबाट १३ गतेसम्म संचालन भएको थियो । मोफसलका अन्य प्रतियोगिताहरुसंग मिति नजुधोस भन्ने उद्धेश्यले दोश्रो संस्करण डेढ महिना अघि नै संचालन गरिएको खड्गीले बताए । ‘ एन्फासंग मात्र नभएर मोफसलका प्रतियोगिता आयोजक धरान, इटहरी, धुलाबारी लगायतका क्षेत्रका आयोजकहरुसंग समेत परामर्श गरेर मिति तय गरिएको हो ’ उनले भने ‘ प्रतियोगिताको मिति जुध्दा आयोजक र खेलाडीहरुलाई समेत समस्या पर्ने भएकाले सहजता अपनाइएको छ ।’
इलामको ठुलो टुडिखेलमा आयोजना हुने प्रतियोगिता पूर्वी पहाडको सबैभन्दा बढि पुरस्कार राशी र दर्शक बटुल्ने प्रतियोगिता हो । खेलकुदको माध्यमबाट इलामको पर्यटन प्रर्वद्धनमा समेत गोल्डकपले टेवा पुग्ने आयोजकले अपेक्षा राखेको छ ।
