फिक्कल :
इलामको फिक्कल बजारबाट अवैध लागुऔषध ब्राउन सुगर सहित शसस्त्र प्रहरीले दुईजनालाई पक्राउ गरेको छ । सूर्योदय नगरपलिक १० फिक्कल बजारबाट बिहिबार साझ सूर्योदय नगरपालिका ९ स्थाई घर भएकी २१ बर्षीय अनिसा राई र माईजोगमाई २ घर भई फिक्कल बस्दै आएका २७ बर्षीय समिर महतलाई शसस्त्र प्रहरी आईतबारे वेश क्यामबाट खटिएको प्रहरीको टोलीले ब्राउन सुगर सहित पक्राउ गरेको हो । प्रहरीले राईको साथबाट ५७० मिलिग्राम र महतको साथबाट ३०० मिलिग्राम ब्राउन सुगर बरामद गरेको छ ।शसस्त्र प्रहरी आईतबारे वेश क्यामबाट शसस्त्र प्रहरी निरीक्षक बिभु दाहालको कमाण्डमा खटिएको प्रहरीको टोलीले छुट्टछुट्टै करोबारमा सम्लग्न राई र महतलाई ब्राउन सुगर सहित पक्राउ गरेको छ । महिलाले कपडा पसलमा कारोबार गर्न लाग्दै गर्दा पुगेको प्रहरीले ब्राउन सुगर सहित ती महिलालाई पक्राउ गरीएको शसस्त्र प्रहरी आईतबारे बेश क्याम्पका शसस्त्र प्रहरी निरीक्षक बिभु दाहालले जानकारी दिनु भयो ।
प्रहरी निरीक्षक दाहालका अनुसार महतको घरमा खानतलासी गर्दा लुकाई राखेको अवस्थामा ब्राउन सुगर बरामद गरेको छ । ती महिलाले विगत १ वर्ष देखि फिक्कलमा कपडा पसल संचालन गर्दै आएकी थिइन । महत फिक्कलमा अस्थाई बसोबास गर्दै आएका थिए । फिक्कल प्रहरी चौकी , आइतबारे शसत्र प्रहरी चौकी ,जनप्रतिनिधि र संचारकर्मी लगायतको रोहबरमा पसल खानतलासी गरीएको प्रहरीले हाम्रो पालिकालाई जानकारी दिएको छ । पक्राउ परेका दुबै जनालाई थप अनुसन्धानका लागि इलाका इलाका प्रहरी कार्यालय पशुपतिनगरमा बुझाईएको छ ।
