गोविन्द पौडेल ,रोङ:
सामाजिक सन्जालमा जोखिमपूर्ण तरिकाले खोला तर्दै गरेको भिडियो सार्वजनिक भए लगत्तै रोङ गाउँपालिकाले तत्काल वास्तबिकताको स्थलगत अनुगमन गरेको छ ।
रोङ गाउँपालिका वडा न ३ खारखोला र ४ को नागदह जोड्ने भालुझोडा खोलामा बाढी आईरहेको बेलामा एक बालिका स्कुल जान काठको मुडावाट खोला तरिरहेको भिडियो सामाजिक संजालमा भाईरल भए पछि गाउँपालिका अध्यक्ष मनिकुमार स्याङ्वो ,वडा नं. ३ र ४ का वडाध्यक्षद्धय मात्रिका वराल र राजकुमार लाप्चा सहित स्थाीय ब्याक्ति उक्त स्थानमा पुगेर बिद्यमान अवस्थाको स्थलगत निरीक्षण र जोखिम ब्यवस्थापनको वारेमा अल्पकालिन र दिर्घकालिन समाधानकाका बारेमा छलफल भएको स्थानीय बिर्ख लिम्बुले जानकारी दिनु भयो ।
रोङ गाउँपालिका वडा न.ं ३ र ४ को खारखोला लगायतके बासिन्दालाई आवातजावत सहज बनाउन उक्त स्थानदेखी ६ सय मिटरको दुरीमा उपभोक्ताको माग अनुरूप ४३ लाख ४४ हजार ६ सय १४ रुपैया लागतमा पुल निर्माण भैइ सुचारु भएको २० महिना भईसकेको छ ।तर, स्थानीय नागरिकले आफुलाई छिटो हुनेगरी उक्त काठको पुल प्रयोग गर्ने गरेको पाईएको छ ।
इलामको रोङ र झापाको बुद्धशान्ति ७ सुनमाई जोडिने स्थानमा रोङ ३ को खारखोला टोलबाट भालुझोडा खोला तरेर रोङ ४ को बस्ति बिहिन नागदह हुदै बुद्धशान्ति ७ को मेचीराजमार्ग सुनमाई पुग्न सहज छ ।झापाको सहज स्थान राजमार्गमा पुग्न छिटो हुने कारण खारखोला वासिको वास इलाम र दैनिकि कारोवार झापासग हुने गरेको हो ।
खारखोला वासीलाई सहज हुनेगरि तत्काललाई अस्थाई पुल (बासको पुल) जनश्रमदानबाट निर्माण गरिदिने र दिर्घकालिन समाधानको लागि गाउँपालिकाले फलामे पुल नै निर्माण गरेर जनजिवन सहज बनाउने गाउँपालिकाका अध्यक्ष मनिकुमार स्याङ्वोले बताउनु भएको छ ।
सामाजिक संजालमा दुई दिनदेखि एउटा विद्यार्थी काठको मुढाबाट खोला तरेको भिडियो हेर्दा जो कोहीलाई नरमाइलो लाग्छ र लाग्नु स्वाभाविक हो। घटना लगतै उक्त स्थान पुग्नु भएका अध्यक्ष स्याङ्वोले तत्कालको लागि बासको फड्के र दिर्घकालिन रुपमा फलामे पुल निर्माण गरीदिने बताउनु भयो । उहाले छिटो भनेर बर्खाको समयमा खोलामा जोखीम नमोल्न स्थानीयलाई आग्रह गर्नु भयो ।
रोङ गाउँपालिका भित्र झोलुङ्गे पुल १५ वटाभन्दा बढी आवश्यक छ । ६ वटा झोलुङ्गे पुल निर्माण सपन्न भएको छ । ४ वटा निर्माणाधीन अवस्थामा रहेका छन् । क्रमशः वर्षमा दुईतीन वटासम्म झोलुंगे पुल निर्माणको चरणमा रहेको अध्यक्ष स्याङ्वोले बताउनु भयो ।नागरिकले कस्ट पाएको बिषयमा सामाजिक सजालमा आएका बिषयमा स्थानीय जनप्रतिनिधिले तत्काल अनुगमन छलफल र समाधानको उपया खोजिनुलाई भने स्थानीय वासीले अत्यान्तै सकरात्मक रुपमा लिएको पाईएको छ ।
