फिक्कल: नेपाल महिला संघ इलाम निर्वाचन क्षेत्र नं.१ को क्षेत्रीय कार्य समितिको सपथ ग्रहाण कार्यक्रम फिक्कलमा सम्पन्न भएको छ । महिला संघ क्षेत्रीय सभापती हेममाया प्रधान(रामु)को अध्यक्षता तथा पूर्व पार्टी सभापती हिमालय कर्मचार्यको प्रमुख आतिथ्यतामा सम्पन्न कार्यक्रममा २५ सदस्यीय तदर्थ समिति गठन गरीएको छ । उक्त भेलाले शारदा दाहाल अधिकारीको अध्यक्षतामा सूर्योदय नगर कार्य समितको समेत चयन गरेको नेपाली काग्रेस नगर उपसभापती निर्मला कट्टेल अग्रवालले जानकारी दिनु भयो ।
गएको असोज २५ गते महिला संघको जिल्ला कार्य समितिले प्रधानलाई क्षेत्र नं. १ को क्षेत्रीय सभापतीमा मनोनयन गरेको थियो । कार्यक्रममा नेपाल लोकतन्त्रबादी आदिवासी जनजाती महासंघ इलामका अध्यक्ष नरेन्द्र लाओती, नेपाली कांग्रेस जिल्ला सहसचिव देवेन्द्र सुवेदी, सह सचिव प्रज्वल भट्टराई,क्षेत्रीय सचिव यमन लामा ,क्षेत्रीय सदस्य मिलन क्षेत्री सहित नगर समिति र वडा समितिका प्रतिनिधिको सहभागीता रहेको थियो । केन्द्रले गएको साउन १८ गते जिल्ला कार्य समिति मनोनयन गरेको थियो ।
