फिक्कल
इलामको माइजोगमाइ गाउँपालिकामा अपाङ्गता भएका ब्यक्तिलाई घरमै गएर स्वास्थ्य परीक्षण सहित परिचय पत्र हस्तान्तरण गरीएको छ ।
अपाङ्गता समन्वय समिति संयोजक तथा माइजोगमाइ गाउँपालिका उपाध्यक्ष प्रविना राईको संयोजकत्वमा गएको टोलीले चिकित्सक सहित अपाङ्गता भएका ब्यक्तिको घरमा गएर परिचय पत्र हस्तान्तरण गरेको हो ।
उक्त कार्यक्रममा गाउँपालिका अध्यक्ष कुश बहादुर थेवे, डाक्टर यसमीन शेर्पा ,सामाजिक विकास शाखा प्रमुख मान बहादुर पौडेल, अपाङ्गता सहायता सहजकर्ता सरोज पौडेल , अपाङ्गता समन्वय समितिका पदाधिकारीर कर्मचारीको उपस्थितमा स्थलगत अनुगमन गरी परिचय पत्र वितरण गरीएको गाउँपालिका उपाध्यक्ष प्रविना राईले जानकारी दिनु भयो । उक्त अवसरमा अपाङ्गता भएका ब्यक्तिको स्वास्थ्य परीक्षण गरी पोषण सामग्री समेत वितरण गरीएको थियो ।
परिचय पत्र पाउनेमा माइजोगमाइ २ की चेत कुमारी कार्की (पहेलो) मध्यम अपाङ्गता परिचयपत्र , माइजोगमाइ कै सङ्गिता थापालाई रातो (पुर्ण अशक्त अपाङ्गता ) परिचपत्र हस्तान्तरण गरी पोषण सामाग्री वितरण गरिएको थियो ।
त्यस्तै . माइजोगमाई कै आरोसी सुवेदी , मन कुमारी निरौला , रन्जित शर्मा र प्रकृति पौडेललाई माइजोगमाइ १ स्थिती स्थित स्वास्थ्य संस्थामा जाँच गरी परामर्श सहित अपाङ्गता परिचयपत्र (अति अशक्त अपाङ्गता) यथावत कायम गरी पोषण सामग्री बितरण गरीएको छ । उपाध्यक्ष राईले अपाङ्गता भएका ब्यक्ति गाउँपालिका सम्म आउन समस्या हुने भएकाले गाउँमै गएर परिचय पत्र वितरण गरीएको जानकारी दिनु भयो । उहाले भन्नु भयो ‘हामी नागरिकको सेवामा रातदिन तल्लीन छौ, त्यसमा पनि अपाङ्गता भएका ब्यक्तिलाई घरमै सेवा दिदा उहाहरुलाई सहज भएको महसुस गरेका छौ ।’
