इलाम: इलाम नगरपालिका–१, साखेजुङमा सञ्चालित रत्नकुमार बान्तवा बहुप्राविधिक शिक्षालयको आज ९बिहीबार० औपचारिक उद्घाटन गरिएको छ ।पूर्वप्रधानमन्त्री झलनाथ खनालले शिक्षालय उद्घाटन गरे । खनालको जन्मगाउँमा निर्मित शिक्षालयका लागि उनी आफैंले यसअघि ५६ रोपनी जग्गासमेत दान दिएका थिए । उद्घाटन अवसरमा विभिन्न सांस्कृतिक झाँकीसमेत प्रदर्शन गरिएको थियो ।
प्राविधिक शिक्षा तथा व्यावसायिक तालिम परिषद् ९सिटिइभिटी०को आंगिक तथा कोशी प्रदेशको नमुना प्राविधिक शिक्षालयका रूपमा २०७४ सालमा सालमा यो शिक्षालय स्थापना भएको हो । शिक्षालयले स्थापनाको वर्ष डिप्लोमातर्फको तीनवर्षे पशुविज्ञान कार्यक्रम सञ्चालन गरेको थियो । २०७५ र २०७६ सालमा बाली विज्ञान र वन विज्ञान थपियो । २०७७ सालमा सिभिल इन्जिनियरिङ र फार्मेसी सञ्चालन गरियो । २०७७ सालमा फार्मेसीतर्फ विशेष फार्मेसी कार्यक्रम थप गरी यो वर्षदेखि प्रिडिप्लोमातर्फको चिया प्रविधि पनि थपेर छ कार्यक्रम सञ्चालन भइरहेको शिक्षालय प्रमुख दीपक खनालले जानकारी दिए ।
‘विशेष छात्रवृत्तितर्फ डिप्लोमा कार्यक्रम र फार्मेसी सिभिल इन्जिनियरिङमा छोटो अवधिका कार्यक्रम, सीप परीक्षणका कार्यक्रमसमेत नियमित चलिरहेका छन्,’ उनले भने, ‘शिक्षालयमा अहिले साढे पाँच सय हारहारीमा विद्यार्थी अध्ययनरत छन् ।’शिक्षालयमा डिप्लोमातर्फ फार्मेसीमा डेढ सय, कृषितर्फ पशुविज्ञान र बालीविज्ञानमा डेढ सय, सिभिल इन्जिनियरिङमा एक सय ४५, फरेस्टमा ७०, प्रि–डिप्लोमा चियातर्फ ४० विद्यार्थी छन् । शिक्षालयमा इलामसहित देशका विभिन्न जिल्लाका विद्यार्थी अध्ययनरत छन् । यहाँबाट अहिलेसम्म करिब सय विद्यार्थी ग्राजुएटेड भएको शिक्षालयले जनाएको छ ।पालिका पेजबाट
