फिक्कल: इलामको कन्यामबाट प्रहरीले प्रतिबन्धित लागु पदार्थ ब्राउन सुगर सहित एक जनालाई पक्राउ गरेको छ । मोवाईलको कभर भित्र ब्राउन सुगर लुगाएको अवस्थामा प्रहरीले सूर्योदय नगरपालिका ७ का ३० बर्षीय कमल रिजाललाई केहि दिन अघि पक्राउ गरेको हो ।
रिजालको साथबाट प्रहरीले ५०० मिलिग्राम ब्राउन सुगर बरामद गरेको इलाका प्रहरी कार्यालय पशुपतिनगरका प्रहरी निरीक्षक बिष्णु खड्काले जानकारी दिनु भयो । पक्राउ परेका रिजाललाई इलाका प्रहरी कार्यालय म्याद थप गरी अनुसन्धान गरीरहेको जनाएको छ ।
केहि दिन अघि फिक्कलको एक बोवाईल पसलबाट समेत प्रहरीले ब्राउन सुगर सहित २ जनालाई पक्राउ गरेको थियो । पछिल्लो समय इलाममा झापा–इलाम चल्ने केहि सवारी साधनले ब्राउन सुगर ओसारपसार गर्ने गरेको गुनासो समेत बढ्न थालेको छ ।
