१५ माघ, काठमाडौं । नेपाली फुटबलर रोहित चन्द थप दुई वर्ष इन्डोनेसियाको पर्सिजा जाकार्ताबाटै खेल्ने भएका छन् । बुधबार क्लबसंग उनले २ वर्षको सम्झौता नवीकरण गरे ।
गत सिजन सकिएपछि रोहित नेपाल आएका थिए । उनी गत साता अष्ट्रेलिया हुँदै इन्डोनेसिया पुगेका हुन् । त्यहाँ पुगेर उनले प्रशिक्षणसमेत थालेका छन् । रोहितले सन् २०१३ मा पहिलो पटक पर्सिजाबाट ब्यवसायिक फुटबल खेलेका थिए ।
सन् २०१८ मा पर्सिजाले लिग जित्दा रोहित उत्कृष्ट खेलाडी चयन भएका थिए । बीचमा २०१५ मा मलेसियाको टीटिम एफसीमा अनुबन्ध भए पनि चोटका कारण खेल्न पाएनन् । २०१७ मा उनी पुन: इनेसियाको पर्सिजा गएका थिए ।
