ए डिभिजन लिगमा मनाङद्वारा संकटा पराजित – Hamropalika
अर्थ वाणिज्य सूर्योदयका १ सय ९६ जना किसानलाई काउ म्याट बितरण Uncategorized सूर्योदयका १ सय ९६ जना किसानलाइ काउ म्याट बितरण अर्थ वाणिज्य अन्तु महोत्सव आजबाट शुरु अर्थ वाणिज्य रोङको हाँसपोखरीमा आजबाट पर्यटन तथा कृषि महोत्सव शुरु हुदै प्रदेश १ कांग्रेसका डम्बर खड्कालाई भोट माग्न इलाम २ का मतदाताको घरदैलोमा गगन थापा प्रदेश १ रास्वपाका मिलन लिम्बू चुनावी प्रचार गर्दै मतदाताका घर-घरमा अर्थ वाणिज्य इलामेली समाज दक्षिण कोरियाद्वारा ३० लाख बराबरको स्वास्थ्य सामग्री वितरण प्रदेश १ उप-निर्वाचन इलाम २ः कांग्रेस इलामको कमाण्डर बिश्वप्रकाश शर्मा अर्थ वाणिज्य श्रीबुङ्गको पुराण तथा दोमाङ पाठको आय–व्यय सार्वजनिक अर्थ वाणिज्य रोङको हाँसपोखरीमा पर्यटन तथा कृषि महोत्सव हुने
Hamropalika menu advertisement

ए डिभिजन लिगमा मनाङद्वारा संकटा पराजित

  • प्रकाशित मितिः April 14, 2024
  • hamro_palika

१५ माघ, काठमाडौं । साविक विजेता मनाङ मर्स्याङ्दी क्लबले शहीद स्मारक ए डिभिजन लिगमा अपराजित यात्रालाई ९ खेलसम्म पुर्‍याएको छ ।

लिग अन्तर्गत बुधबार भएको खेलमा मनाङले साविक उपविजेता संकटा क्लबलाई ३-० ले पराजित गरेको हो ।

एन्फा कम्प्लेक्स सातदोबाटोमा भएको खेलमा मनाङका लागि अन्जन विष्ट र निशान सुब्बाले एक-एक गोल गरे । संकटाका अमित तामाङले एक आत्मघाती गोल गरे ।

४१ औं मिनेटमा लुइस भिडालको क्रसमा अन्जन विष्टको प्रहारलाई संकटाका डिफेण्डर अमित तामाङले आफ्नै पोस्टमा गोल गर्दा मनाङले खेलमा अग्रता लियो । ४३ औं मिनेटमा अन्जन विष्टले पेनाल्टी बक्सबाट गोल गर्दै टिमको अग्रता दोब्बर पारे ।

फेमी जोसुअको पासमा संकटाका डिफेन्डर रोमन लिम्बुले गल्ती गर्दा अन्जनले एकल प्रयासमा गोलकिपरलाई विट गर्दै गोल गरेका थिए । ५३ मिनेटमा मनाङका विमल रानाले गरेको गोल अफसाइड भएको भन्दै रेफ्रीले मान्यता दिएनन् ।

त्यस्तै ७३ औं मिनेटमा निशाल लिम्बुले पेनाल्टी बक्सको दायाँ भागबाट उत्कृष्ट गोल गर्दा मनाङले ३-० को अग्रता बनाएको थियो ।

खेलको सातौं मिनेटमा अन्जन विष्टको प्रहार डिफ्लेक्ट भएपछि निशान लिम्बुको प्रहारलाई संकटाका गोलरक्षक बिनय श्रेष्ठले बचाएका थिए ।

१५ औं मिनेटमा मनाङका कमल श्रेष्ठले मासाउकेलाई फउल गरेपछि प्राप्त फ्रिकिकमा संकटाका सुवास गुरुङको प्रहारलाई मनाङका गोलरक्षक दीप कार्कीले पञ्च गर्दै बचाए ।

२० औं मिनेटमा मनाङका बिमल रानाको प्रहारलाई संकटाका गोलकिपर बिनय श्रेष्ठले बचाउन नसक्दा बिष्णु सुनारले गोललाइन नजिकबाट क्लियर गरेका थिए ।

यस सिजन मनाङको यो पाँचो जीत हो । जीतपछि ९ खेलबाट १९ अंक जोडेको मनाङले दोस्रो स्थानको मछिन्द्र क्लबसंग अंक बराबरी गरेको छ भने शीर्ष स्थानको त्रिभुवन आर्मीसंग अंकदूरी १ मा झारेको छ ।

संकटा ९ खेलबाट १२ अंकसहित आठौं स्थानमा छ ।

TOP