फिक्कल: इलामको सूर्योदय नगरपालिकामा नगर स्तरिय १५ औ राष्ट्रपति रनिङ शिल्ड छनौट प्रतियोगिता सम्पन्न भएको छ । करफोक बिद्यामन्दिर माध्यमिक बिद्यालयमा सम्पन्न प्रतियोगिताको उपाधि करफोक माबिले जितेको छ । करफोकले बिभिन्न बिधमा गरी ९ स्वर्ण , २ रजत र ८ काश्य पदक सहित उपाधि जितेर पहिलो भएको हो । करफोकले यो सहित लगातार तीन बर्ष उपाधी जितेको सूर्योदय नगरपालिका शिक्षा युवा तथा खेलकुद शाखाका प्राविधि सहायक नविन पौडेलले जानकारी दिनु भयो।
यस्तै प्रतियोगितामा फिक्कल माबिले ६ स्वर्ण, ९ रजत र १ वटा काश्य पदक सहित दोस्रो भएको छ । यस्तै प्रतियोगितामा कृष्णाश्रम माबिले ६ स्वर्ण, ७ रजत र ५ काश्य पदक सहित तेस्रो भएको छ । प्रतियोतिा तीन दिन सम्म संचालन भएको थियो । प्रतियोगितामा मार्सल आर्ट , एथलेटिक्स , कवडी भलिवलसहित १५ बिधामा खेल संचालन गरीएको गरीएको सूर्योदय नगरपालिका खेलककुद बिकास समितिका संयोजक सौरभ आचार्यले जानकारी दिनु भयो । प्रतियोगितामा उत्कृष्ठ हुने बिद्यालयललाई शिल्ड, ट्रफि , मेडल र प्रमाण पत्र वितरण गरीएको थियो ।
सूर्योदय नगरपालिकाका प्रशिक्षक प्रदिप नारायण शैजुले छनौट भएका बिद्यार्थीलाई जिल्ला स्तरीय प्रतियोगितामा सहभागी गराउनका लागि १५ दिने प्रशिक्षण कार्यक्रम राखीएको जानकारी दिनु भयो । शिक्षा शाखा प्रमुख योगनिधि भट्टराईले नगर स्तरीय खेलले जिल्ला स्तरीय प्रतियोगितामा जानका लागि बिद्यार्थीलाई हौसला मिलेको बताउनु भयो ।
