फिक्कल: हिमालयन अर्थोडक्स चिया प्रोड्युसर्स एसोसिएसन (होड्पा) को १९ औं अधिवेसनले नयाँ कार्य समिति चयन गरेको छ । होड्पाको सम्पन्न अधिवेसनले कंचनजघा टि स्टेट पाँचथरका संस्थापक चिया उद्योगी दिपक बास्कोटाको अध्यक्षतामा नयाँ कार्य समिति चयन गरेको हो ।
समितको महासचिवमा अरनिको स्पेशेयलिटी टि उद्योगका संचालक यमन लामा चयन हुनु भएको छ । समितिको कोषध्यक्षमा उषा सुब्बा चयन हुनु भएको छ । त्यस्तै सदस्यहरुमा चिया उद्योगी उदय चापाँगाई, सुभाषचन्द्र संघाई, कमलराज मैनाली, सुमित श्रेष्ठ, रवि राठी, निकिता नेपाल र समितिको मानार्थ सदस्यमा डिल्ली बास्कोटा रहनु भएको छ । त्यस्तै बिज्ञ सदस्यमा सोनाम पाल्जर लामा र चन्द्र भुषण सुब्बालाई मनोनीत गरेको छ । अर्थोडक्स चिया उत्पादक एवम चिया कारखाना संचालकहरुको साझा संस्था होड्पा विगत दुई दशकदेखि व्यवसायीहरुको हक हितमा क्रियाशील छ ।
