रोङ: इलामको रोङ गाउँपालिका ३, लसुने खुला भलिबल प्रतियोगिताको उपाधि इलामको माइजोगमाई गाउँपालिकाले जितेको छ । सोमबार भएको फाइनलमा झापाको बुद्धशान्ति टिमलाई हराउँदै माइजोगमाईले उपाधि उचालेको हो ।
माइजोगमाईले २५/१८र२५/१८ र २५/१७ को सोझो सेटमा बुद्धशान्ति टिमलाई जितेको हो । फाइनल जितेसँगै माइजोगमाईले ३५ हजार नगद, मेडल र प्रमाणपत्र पाएको छ । २० हजार नगद मेडल र प्रमाणपत्र पाउँदै बुद्धशान्तिले उपविजेतामा चित्त बुझाएको छ । प्रतियोगिताको ‘म्यान अफ् दि टुर्नामेन्ट’ माइजोगमाईका अभिषेक कामती घोषित भए ।
खेलको निर्णायकमा ऋषिराम पराजुली र डाइमन्ड तिम्सिना थिए । रोङ गाउँपालिका उपाध्यक्ष विष्णुमाया भुजेलले विजेता टिमलाई ट्रफी प्रदान गरिन् ।
कोल्बुङ युवा समाजले प्रतियोगिता आयोजना गरेको थियो ।
