फिक्कल: इलामको सूर्योदय नगरपालिकाको पशुपतिनगर बजार अनुगमन गरी म्याद गुज्रीएका र अखाद्य बस्तु बरामद गरीएको छ । उपभोक्त हकहित संरक्षण समितिका संयोजक दुर्गा कुमार बरालको अध्यक्ष्तामा गठित समितिले मंगलबार सीमावर्ती पशुपतिनगरका किराना पसल अनुगमन गर्दा म्याद गुज्रीएका र अखमद्य बस्तु बरामद गरेको हो ।
बजार अनुगमनका क्रममा धेरै संख्यामा चिसो पेय पदार्थ पकेट चिया, पाउरोटी , कुरकुरे , बिस्कुट , मिठाई, चिजबल्स, कुरमुरे, लगायतका म्याद गुज्रीएका र अखाद्य बस्तु सामान बरामद गरेको छ । बजार अनुगमन समितिका संयोजक मदन गुरुङको नेतृत्वमा गएको टोलीले पशुपतिनगर क्षेत्रका किराना पसल अनुगमन गरेको थियो ।अनुगमन टोलीमा सीमा प्रशासन कार्यालय पशुपतिनगरका प्रमुख होमनाथ पोख्रेल, नगरपालिकाका कर्मचारी नबिन ढकाल , इलाका प्रहरी कार्यालय पशुपतिनगरका प्रतिनिधि, नगर प्रहरी र संचारकर्मी सहितको टोलीले बजारका किराना पसलको अनुगमन गर्दा ठूलो मात्रामा अखाद्य र म्याद गुज्रीएका सामान बरामद गरेको छ ।टोलीले अम्बे टेड्रर्स (उत्तम इम्पोरियम), शेर्पा किराना पसल, साम्देन स्टोर ,बिजयता स्टोर,वालुङ स्टोर पाशाङ किराना पसल , दार्जिलिग किराना पसल लगायतमा अनुगमन गरेको थियो । पसलमा पुरानो म्याद गुज्रीएको सामानमा नयाँ स्टीकर टास गरीएको समेत पाईएको छ । त्यस्ता खाद्य सामग्री समेत बरामद भएका छन ।
अनुगमनका क्रममा कतिपय पसलले दर्ता नगरेको, दर्ता भए पनि नविकरण नगरेको , मुल्य सूची नराखेको बील नभएको पाईएको थियो । त्यस्ता पसललाई तत्काल दर्ता नविकरण गर्न र मुल्य सूची राख्न लिखित निर्देशन दिईएको गुरुङले जानकारी दिनु भयो ।नगरले चाडबाड नजिकीए संगै बजारमा हुने कालोबजारी , मुल्य बृद्धि नियन्त्रण गर्न अनुगमनलाई तिबैता दिएको छ । नगर क्षेत्रका हाटबजारमा अनुगमन नियमित हुने नगरले जनाएको छ । बरामद भएका सामग्री समितिले नगरको डम्पिङ साईडमा लगेर नष्ट गर्ने जनाएको छ ।
