फिक्कल: छिमेकी देश भारतको सिकिमका ७० जना मोटरसाईकल राईडरले पर्यटकीय स्थल अन्तु सहितका क्षेत्रमा मोटर साईकल रयाली गरेका छन ।
नेपालको पर्यटन प्रवर्धनमा सहयोग गर्ने उद्देश्यले सिकिम देखि पशुपतिनगर , बौद्धपार्क कन्याम र रोङको पाथीभरा हुँदै झापा काकडभिट्टा सम्म मोटर साईकल रयाली गरेका हुँन ।
ओपन रोड ओननडष्ट मोटरसाईकल क्लब सिकिमका अध्यक्ष रोषन क्षेत्रीको नेतृत्वमा आएको उक्त टोलीलाई अन्तु पर्यटन ब्यवसायी संघले स्वागत र बिदाई गरेको थियो । ओपन रोड ओननडष्ट मोटरसाईकल क्लब सिकिमका अध्यक्ष क्षेत्रीले अन्तु सहितका क्षेत्र पर्यटकीय हिसावले निक्कै अब्बल रहेको बताउनु भयो । उहाले प्राकृतिक संम्पदाको संरक्षण संगै पर्यटकीय क्षेत्रको थप बिकास गर्न जरुरी रहेको बताउनु भयो। उहाले गाउँले परिबेसका अन्तु सहितका पर्यटकीय क्षेत्रमा आउने पर्यटकले भरपुर आनन्द लिने गरेको बताउनु भयो ।
सिकिमका बाईक राईडर कविता शर्माले अन्तु पोखरीमा रात्रीकालिन पर्यटन पवर्धन गर्न पोखरीमा लाईट र आसपासका सडकको सुधार गर्न सुझाव दिनु भयो ।
५२ वटा मोटरसाईकलमा आएको उक्त टोली १ दिन अन्तु बसेको थियो । अन्तु पर्यटन ब्यवसायी संघका अध्यक्ष रुद्र घिमिरेले छिमेकी देशका पाहुँनाले अन्तु सहितका पूर्वी क्षेत्रका पर्यटकीय स्थलको प्रचार प्रसारमा सहयोग पुगेको बताउनु भयो । उहाले पर्यटन प्रवर्धन गर्नका लागि दुबै देशका पर्यटन ब्यवसायी बिच सहकार्य जरुरी रहेको बताउनु भयो । अन्तु आएको उक्त टोली झापा काकडभिट्टा हुँदै सिकिम प्रवेश गरेको छ ।
