नयाँबजार: माईजोगमाई गाउँपालिका वडा न ५ मा जेष्ठ नागरिक सम्मान , अपाङ्गता भएका व्यक्तिलाई सहयोगी सामाग्री र विद्यार्थीहरूलाई शैक्षिक सामाग्री वितरण कार्यक्रम सम्पन्नभएको छ ।
माईजोगमाई गाउँपालिका वडा न ५ सोयाङमा मा ८२ देखि ८४ वर्ष उमेर समुहका जेष्ठ नागरीकलाई सम्मान कार्यक्रम सम्पन्न भएको हो । साथै अपाङ्गता भएका बिद्यार्थीलाई शैक्षिक सामग्री र अपाङ्गता भएका ब्यक्तिलाई सहायक सामग्री समेत वितरण गरिएको छ ।
कार्यक्रम माईजोगमाई गाउँपालिका वडा नं ५ का वडाध्यक्ष निर्मलध्वज राईको अध्यक्षता तथा माईजोगमाई गाउँपालिका अध्यक्ष कुश बहादुर थेवेको प्रमुख आथित्यता तथा माईजोगमाई गाउँपालिका उपाध्यक्ष प्रविना राईको बिशेष आथित्यता साथै वडाका जनप्रतिनिधि लगायतको उपस्थितिमा सम्पन्न भएको हो ।
जेष्ठ नागरिक जिउदो ईतिहास भएकोले उहाँहरुलाई सम्मान सदैव गर्नुपर्ने उपस्थित अतिथिले बताउनुभयो ।माईजोगमाई गाउँपालिकाले सामाजिक विकासको क्षेत्रमा निरन्तर काम गर्दै आएको छ । गाउँपालिका क्षेत्रका जेष्ठ नागरिक , असक्त अपाङगता भएका व्यक्ति र विपन्न वर्गको जीवन स्तर उकास्न पालिकाले बिभिन्न कार्यक्रम संचालन गर्दै आएको छ ।
