फिक्कल : सुर्योदय नगरपालिका चन्द्र खेलमैदानमा आज देखी बुद्ध जयन्ती तथा उभौली महोत्सवसुरु भएको छ । बुद्ध जयन्ती तथा उभौली महोत्सव २०८१ को अवसरमा लोक भाका, लोक संगीतमा क्रियासिल स्थानीय र राष्ट्रिय कलाकारहरुले आफ्नो प्रस्तुती दिने कार्यक्रम रहेको छ । मेलामा कलाकार शम्भु राई, बिनोद राई र आधुनिक गित संगीतका गायिका रचना रिमालको पनि प्रस्तुत रहने आयोजक समितिका शरण फागोले जानकारी दिए ।
इलाम एम टि भि राइडर्स र सवृद्धि युवा समाजको आयोजना बैशाख ४ गतेबाट शुरु भएको मेला १५ गतेसम्म संचालन हुनेछ । मेला आयोजक समितिका अध्यक्ष प्रेम चन्द्र काजिको अध्यक्षता तथा सूर्योदय नगरपालिका उप प्रमुख दुर्गा कुमार बरालको प्रमुख आथित्यतामा मेलाको उद्घाटन भएको थियो । मेलाको उद्घाटनमा सूर्योदय १० का अध्यक्ष पेमा उगेन लामा, वडा नं. ३ का अध्यक्ष लोक बहादुर प्रधान लगायतको आथित्यता रहेको थियो ।
