फिक्कल: इलामको पशुपतिनगर स्थित नेपाल भारत खुल्ला सिमानाबाट हुँदै भारतबाट अबैध रुपमा भन्सार छलेर ल्याईएको कपडा प्रहरीले इलामको गोलाखर्कबाट बरामद गरेको छ । भारतबाट पशुपतिनगर नाका हुँदै इलाम नगरपालिका ९ गोलाखर्कमा पु¥याईएको पाँच लाख बढीको अवैध कपडा जिल्ला प्रहरी कार्यालय इलामबाट खटिएको प्रहरी टोलिले बरामद गरेको हो ।
मेची राजमार्गमा चेक प्वाईन्ट खडा चेकजाँच गर्ने क्रममा मे १ ज २०६६ नम्बरको गाडिमा जुम्लाको हिमा गाउँपालिका वडा नं. १ बस्ने ४७ बर्षीय पूर्ण शाहीले इलाम पशुपतिनगरको नेपाल भारत खुल्ला सिमा नाकाको प्रयोग गरी भारतबाट भन्सार छलेर ल्याउदै गरेको पाँच लाख ११ हजार दुई सय २० रुपियाँ मुल्य बराबरको कपडा र मे १ ज २०६६ नम्बरको गाडी सहित बरामद गरी कारवाहीका लागि भन्सार कार्यालय पशुपतिनगरमा बुझाईएको जिल्ला प्रहरी कार्यालय इलामले जनाएको छ ।
