सन्दकपुर : निजामति सेवा दिवसको अवसरमा सन्दकपुर गाउँपालिकामा वृक्षारोपण गरिएको छ । सन्दकपुर गाउँपालिकाको आयोजनामा गाउँपालिकाको तीन वडाको संगम स्थल टप्पुको रेडपान्डा प्रजनन केन्द्र भित्र वृक्षारोपण गरिएको हो ।
सामुदायिक वनका पदाधिकारी, गाउँपालिकाका कर्मचारी र जनप्रतिनिधिहरुले संयुक्त रुपमा वृक्षारोपण गरेका थिए । गाउँपालिका अध्यक्ष तुलाबहादुर गुरुङको प्रमुख आतिथ्यतामा भएको कार्यक्रममा प्रमुख प्रशासकिय अधिकृत महेश राई, सामुदायिक वनका पदाधिकारी र सदस्यहरु वृक्षारोपणमा सहभागि थिए ।
नेपालमै पहिलो निर्माणाधिन रेडपान्डा प्रजन्न केन्द्रमा भएको वृक्षारोपणमा बान्टे, मालिंगो अम्बके, बहुमुल्य चापको करिब १ हजार ५ सय विरुवा रोपण गरिएको छ ।
