फिक्कल : सहारा नेपाल बचत तथा ऋण सहकारी संस्था फिक्कल सेवा केन्द्र अन्तरगतका शेयर सदस्यका लागि एक दिने अभिमुखीकरण कार्यक्रम सम्पन्न भएको छ । फिक्कलमा आयोजना गरीएको कार्यक्रममा फिक्कल सेवा केन्द्र अन्र्तगतका शेयर सदस्यलाई संस्थाका सेवा सुविधा सहितका जानकारी गराउदै अभिमुखीकरण सम्पन्न भएको हो ।
फिक्कल सेवा केन्द्र संचालन उपसमिति संयोजक देवी प्रसाद आचार्यको अध्यक्षतामा भएको अभिमुखीकरण कार्यक्रममा ४० हाराहारी शेयर सदस्यको सहभागीता रहेको थियो । उप समिति सदस्य देउकुमारी कट्टेलले स्वागत मन्तब्य राख्नु भएको कार्यक्रममा सेवा केन्द्र प्रमुख कल्पना ढुंगानाले संस्थाको अवस्थाका बारेमा जानकारी दिनु भएको थियो । उहाले सहाराले ऋण र बचतको काम मात्र नगरी बिभिन्न सामाजिक उत्तरदायित्वका काम समेत गर्दै आएको जानकारी दिनु भयो ।
अभिमुखीकरण कार्यक्रममा संस्थाले प्रदान गर्ने सेवा सुविधा, स्वास्थ्य उपचार भावि योजनाका बिषयमा इलाम अनुगमन कार्यालयका अनुगमन अधिकृत तोयानाथ आचार्य र फिक्क्ल सेवा केन्द्रका फिल्ड म्यानेजर संजय राजबंशीले संस्थाका बिभिन्न प्रकारका बचतका बिषयमा प्रष्ट पार्नु भएको थियो । कार्यक्रमको संचालन कर्मचारी प्रेम राईले गर्नु भएको थियो ।
उक्त अवसरमा दुई जना संस्थाका सदस्यलाई कर्जा सुरक्षा अन्तरगत ऋण मिनाहा गरिएको छ । सूर्योदय १३ का लघुबित्त सदस्य कर्णमाया राईको मृत्यु भए पछि उहाका श्रीमान बल बहादुर राईलाई कर्जा मिनाहा बापतको १ लाख ५० हजार रुपैयाँ मिनाहा गर्दै चेक हस्तान्तरण गरिएको थियो । यस्तै सूनपा १ का मन बहादुर मुखियाको मृत्यु भए पछि उहाकी श्रीमती कमला मुखीयालाई १ लाख ५ हजार हजार ऋण मिनाहा गर्दै चेक हस्तान्तरण गरिएको छ ।
कार्यक्रममा बोल्दै पत्रकार तथा सहारा नेपालका शेयर सदस्य केदार शर्माले सहकारीले धेरै सुविधा सदस्यलाई दिएको बताउनु भयो । उहाले एउटा ऋणिले खराब काम गर्दा अर्को सदस्य डुब्ने भएकाले सबैले सहकारीको सिद्धान्त बुझन जरुरी रहेको बताउनु भयो । उहाले भन्नु भयो ‘देशमा भनीए जस्तो समाजवादको सिद्धान्त लागु गर्ने भनेको सहकारीले मात्र हो ।’कार्यक्रममा शेयर सदस्यले बिभिन्न जिज्ञासा राख्नु भएको थियो।
२ हजार ५ जना सदस्य रहेको फिक्कल सेवा केन्द्रले १४ करोड ऋण लगानी गरेको छ भने १४ करोड नै बचत गरेको छ । सेवा केन्द्रले समुदायमा बिभिन्न प्रकारका तालिम तथा कार्यक्रम समेत संचालन गर्दै आएको छ ।
