फिक्क्ल : नागरिकलाई सहज रुपमा सेवा प्रवाह गर्दै आएको जिल्ला प्रशासन कार्यालय इलाम देशभरीका जिल्ला प्रशासन कार्यालय मध्येमा चौंथो भएको छ । गत आर्थिक वर्ष २०७९÷०८० मा जिल्ला प्रशासन कार्यालय इलाम कार्य सम्पादन मुल्यांकनमा देशभरीमा चौंथो भएको हो ।
गृह मन्त्रालय र प्रमुख जिल्ला अधिकारीबीच हरेक वर्ष कार्य सम्पादन सम्झौता हुने गरेको छ । जुन सम्झौताको कार्यान्वयनको अवस्था मुल्यांकन समितिले सार्वजनिक गदौ बिभिन्न सूचकको आधारमा इलाम चौंथो भएको छ । प्रमुख जिल्ला अधिकारी श्रवण कुमार पोख्रेल इलाम आउनु भएको छोटो समयमै जिल्ला प्रशासन कार्यालयका सेवा प्रवाहमा ब्यापक सुधार आएको थियो । प्रजिअ पोख्रेल इलाम आए पछि प्रशासनमा नागरिकले बिना झन्झट सहज रुपमा सेवा मात्र प्राप्त गरिरहेका छैनन तल्लो स्तरका नागरिकका समस्या समेत उजागर हुँन थालेका छन । नागरिकका बिभिन्न समस्यामा प्रजिअ पोख्रेलले आफै सहजीकरण गरीरहनु भएको छ । प्रजिअ पोख्रेलले नागरिकलाई दिईने सेवामा ब्यापक सुधार आउनुका साथै जिल्लाका हरेक बिषयमा सहजीकरण गरीरहेको जानकारी दिनु भयो । उहाले भन्नु भयो‘काम गर्ने इच्छा शक्ति भयो र टिम स्प्रीट मिल्यो भने जुन सुकै कार्यालयमा नागरिकले दुख पाउनै पर्दैन ।’
प्रमुख जिल्ला अधिकारी पोख्रेल २०७९ माघ १५ गते इलाम आए पछि कार्याललाई बिचौलिया रहित सेवा प्रवाहको ग्यारेन्टी , बिद्युतीय फारम कार्यालयले नै निशुल्क भरिदिने ,एकै दिनमा सेवाको ग्यारेन्टि, तयारी राहदानी र राष्ट्रि««परिचय पत्र कार्ड जुनसुकै दिन बितरण हुने ब्यबस्थाको सुरु भएको थियो । उहाले बिदाको दिन पनि सेवा प्रवाह गराउनु भएको थियो । पोख्रेलले नागरिकता , राष्ट्रिय परिचय पत्र र राहदानिको ३ वटै सेवा एकै दिनमा दिने सेवाको सुरुवात समेत गराउनु भएको छ । कार्यालयमा दुइ शिफ्टमा सेवाको संचालन हुने ब्यबस्था समेत मिलाईएको छ । जिल्ला प्रशासनमा सेवाग्राही रहे सम्म कहिलै ५.०० नबज्ने ब्यवस्था समेत गरीएको छ । उहाले इलाका प्रशासन र सिमा प्रशासनलाई सवै अधिकार प्रत्यायोजन गरी सेवाका लागि सदरमुकाम धाउनु नपर्ने बनाउनु भएको छ ।
इलाम कारागारमा बन्दिको सहकारी पसल संचालनको नौलो अभ्यास समेत प्रजिअ पोख्रेलले गर्नु भएको छ । जिल्ला प्रशासन कार्यालयले स्थानीय सरकार र प्रशासन बिच लिखित रुपमा सहभागीता मोडलको सफल अभ्यास गरेको छ । प्रजिअ पोख्रेलले बजार अनुगमनलाई तिब्रता दिनु भयो । बजारमा संचालित मेडीकल र रासायनीक मल बिक्रीबितरणको अनुगमन गरी मापदण्ड बिपरीत काम गर्नेलाई जरिवाना र कारवाही गरेको थियो ।
उहाकै कार्यकालमा रोङ गाउँपालिकामा रहेको सानो पाथिभराको बिवादको दिगो समाधान गर्न कानूनी प्रकृया अघि बढाईएको छ । पछिल्लो समय जिल्ला प्रशासन कार्यालयले सूचना प्रवाहलाई समेत सहज बनाएको छ । सार्वजनिक महत्वका हरेक बिषयजिल्ला प्रशासनको आधिकारीक फेसबुक पेज मार्फत सार्वजनिक गर्ने गरीएको छ । गत बर्ष जिल्ला प्रशासन कार्यालय देशभरमा ३७ औं स्थानमा थियो । जिल्लाका नागरिकले समेत जिल्ला प्रशासन कार्यालय इलाम सेवा प्रवाहका हिसावले नमुना बनेको अनुभूती गर्न थालेको बताउदै आएका छन् ।
