राष्ट्रिय रग्बी प्रतियोगिता इलामको माई नगरपालिकामा आयोजना हुने भएको छ । जेठ २६ र २७ गते प्रतियोगिता हुने भएको हो । माई नगरपालिका—४ शुक्रबारे बजारमा रहेको खेल मैदानमा प्रतियोगिता संचालन हुने आज इलाममा पत्रकार सम्मेलन गर्दै जानकारी दिइएको छ ।
यो जिल्लाकै पहिलो पटक जिल्लामा रासष्ट्रिय स्तरको प्रतियोगिता ुेहुन लागेको रग्बी संघ इलाम जिल्ला अध्यक्ष गंगा पm्याक (बिजु) राईले जानकारी दिनुभयो । उहाँले प्रतियोगिताले जिल्लामा यस खेलसँग सम्वन्धित खेलाडी बढ्ने र खेल पर्यटनको समेत प्रवद्र्धन हुने बताउनुभयो ।
यु—२० राष्ट्रिय रग्बी प्रतियोगिता हुने रग्बी संघका केन्द्रीय प्रचार बिभाग सदस्य नमिन ढकालले बताउनुभयो । प्रतियोगितामा महिला र पुरुषको ११÷११ टिमको सहभागीता रहने छ । सात प्रदेशका सातवटा टीम र चारवटा क्लब प्रतियोगितामा समावेश हुने आयोजक तथा रग्बी संघ माई नगरपालिकाका अध्यक्ष रन्जित काफ्लेले बताउनुभयो ।
यस खेलको विकाससँगै इलाम जिल्लाले प्रदेशमा उत्कृष्ठ स्थान हाँसिल गरेको जिल्ला खेलकुद विकास समिति इलामका प्रखुख नारायण भट्टराईले बताउनुभयो । २०५२ (सन् १९९५) सालमा राष्ट्रिय खेलकुद परिषद् (राखेप) मा नेपाल रग्बी संघ दर्ता भएको बताइएको छ । भारतमा अध्ययन गर्न गएका केही व्यक्तिहरूले अग्रसरता देखाएपछि नेपालमा रग्बी संघ दर्ता भएको थियो ।
यद्यपि २०६८ सालमा टंकलाल घिसिङको अध्यक्षतामा नेपाल रग्बी संघको पुनर्गंठन भएपछि मात्र रग्बीले गति लिन थालेको जनाइएको छ । अहिले रग्बी खेलले क्रमशः गति लिइरहेको छ । यस खेलको एक टीममा सात जना खेलाडी रहने ब्यवस्था छ ।
