फिक्कल: इलामको सूर्योदय नगरपालिका वडा नं. ९ पान्दाममा आगलागि भएको छ । आगलागिमा परि २ घर जलेर पूर्णरूमा क्षति भएको हो । स्थानीय पासाङ लामाको एउटा मुल घर र एउटा भान्सा घर जलेर पूर्णरूपमा नष्ट भएको छ भने स्थानीय प्रेम लामाको एउटा मुल घर र दुईवटा भान्सा घर जलेर नष्ट भएको छ । दुवै घरको कुनैपनि सामान निकाल्न सकिएको छैन । प्रेम लामाकोमा भाडामा बस्ने ३ परिवारको सामान पनि जलेर नष्ट भएको छ ।
सूर्योदय नगरपालिकाको बारुण यन्त्र ,शसस्त्र प्रहरी ,नेपाल प्रहरी ,नगर प्रहरी र स्थानीयले आगो नियन्त्रण गर्ने प्रयास गरेको भए पनि नियन्त्रण प्रयास असफल भएको इलाक प्रहरी कर्यालयपशुपतिनगरले जानकारी दिएको छ ।
सूयोदय नगरपालिकाका कार्यबहाक नगरप्रमुख दुर्गा कुमार बराल लगायत वडा का जनप्रतिनिधिको समेत उपस्थितिमा आगो नियन्त्रणको प्रयास भैरहेको छ । खाना पकाउने दाउराको चुलोबाट आगो लागेको पाइएको छ ।
