रोङ: रोङ गाउँपलिका वडा नम्बर ६ रम्भ्याङ स्थित सरस्वती माध्यमिक बिद्यालयमा सरस्वतीको मन्दिर स्थापना गरिएको छ ।बिद्यालयले २०८१ सालको दीपावली पर्वमा संचालन गरिएको देउसी दानबाट सकलित १ लाख १७ सय र दाताको सहयोग गरि करिव ३ लाख नगद र ५३ हजार बराबरको जिन्सी सहयोग जुटेकोमा करिव पाँच लाख पचास हजारको लागतमा मन्दिर निर्माण कार्य सम्पन्न गरएको हो ।
सोही मन्दिरमा माघ १७ र १८ गते वैदिक विधि अनुसार सरस्वती माताको मुर्ति स्थापना गरि प्राण प्रतिस्ठा गरिएको छ । मन्दिरको २०८१ मसिर ६ गते रोङ गाउँपालिकाका उपाध्यक्ष विष्णुमाया खवासले शिलन्यास गर्नुभएको थियो ।मन्दिरको लागि लागत साझेदारीमा रोङ गाउँपालिकाले ६० हजार सहयोग गर्ने भएको छ भने मन्दिरको उद्घाटन यही माघ २१ गते सरस्वती पुजाकै दिन गरिने बिद्यालय व्यवस्थापन समितिका अध्यक्ष प्रेम साङपाङले बताउनु भएको छ ।
